அமெரிக்க டொலரின் விற்பனை விலை இன்று கணிசமான வீழ்ச்சியை கண்டுள்ளது.
இலங்கை மத்திய வங்கியின் உத்தியோகபூர்வ நாளாந்த நாணய மாற்று விகித அட்டவணையின்படி, அமெரிக்க டொலர் ஒன்றின் விற்பனை விலை 364.98 ரூபாவான இன்று பதிவாகியிருந்தது.
ரணில் விக்கிரமசிங்கவை பிரதமராக நியமித்த பின்னர் அமெரிக்க டொலரின் விற்பனை விலை குறைவடைந்தமை தொடர்பில் பல்வேறு அனுமானங்கள் முன்வைக்கப்பட்டிருந்தன.
எனினும், திங்கட்கிழமை ஊடகவியலாளர் சந்திப்பில் பேசிய மத்திய வங்கி ஆளுநர் கலாநிதி நந்தலால் வீரசிங்க, நாணய மாற்று விகிதத்தின் இடைக்கால ஏற்ற இறக்கத்தை நிர்வகிக்க மத்திய வங்கி தலையிடும் என்றார்.
இதன்படி, அமெரிக்க டொலருக்கு நிகரான இலங்கை ரூபாயின் மாற்று வீதம் தொடர்பில் நாணய சபையினால் எடுக்கப்பட்ட தீர்மானத்தின் காரணமாக அமெரிக்க டொலரின் விற்பனை விலை குறைந்துள்ளதாக தெரிவிக்கப்படுகின்றது.
இந்த முடிவுக்கு இணங்க, வங்கிகளுக்கிடையேயான பரிவர்த்தனைகளுக்கான அமெரிக்க டொலர் மிடில் ஸ்பாட் எக்ஸ்சேஞ்ச் விகிதத்தை நிர்ணயித்து ரூபாய் மாறுபாடு வரம்பைப் பராமரிக்க உரிமம் பெற்ற அனைத்து வங்கிகளுக்கும் மத்திய வங்கி அறிவுறுத்தியுள்ளது.
இலங்கை ரூபாவிற்கு எதிரான ஏனைய நாணயங்களுக்குப் பொருந்தக்கூடிய விகிதங்களும் மேற்கூறிய அமெரிக்க டொலர் மாற்று வீதம் மற்றும் மாறக்கூடிய விளிம்புகளின் அடிப்படையில் பெறப்பட வேண்டும் என மத்திய வங்கி மேலும் அறிவுறுத்தியுள்ளது.
வாடிக்கையாளர் பரிவர்த்தனைகளுக்கு பொருந்தக்கூடிய விகிதங்களை நிர்ணயிப்பதில், உரிமம் பெற்ற வங்கிகள் நியாயமான வரம்புகளை மட்டுமே விண்ணப்பிக்குமாறு கேட்டுக் கொள்ளப்படுகின்றன.
மேலும், உரிமம் பெற்ற வங்கிகளின் கட்டணம்/கமிஷன் அமைப்பு நியாயமானதாகவும், வெளிப்படையானதாகவும் இருக்க வேண்டும் மற்றும் பரிவர்த்தனையின் சமமான ரூபாய் மதிப்பில் 3 விகிதத்திற்கு மிகாமல் இருக்க வேண்டும்.
You May Like This Video