காதலியை கரம்பிடித்த சூப்பர் சிங்கர் பிரபலம் : குவியும் வாழ்த்துகள்
விஜய் டிவியின் சூப்பர் சிங்கர் நிகழ்ச்சியில் அறிமுகமானவர் அஜய் கிருஷ்ணன். உதித் நாராயணன் பாடிய பல பாடல்களை பாடி ரசிகர்கள் மனதில் இடம்பிடித்தார். சமீபத்தில் வெளியான கோமாளி படத்திலும் ஒரு பாடலை பாடி சினிமாவில் பின்னணி பாடகராக அறிமுகமாகியுள்ளார். அஜய் கிருஷ்ணா, ஜெஸ்ஸி என்பவரை காதலித்து வந்தார். இருவரும் வேறு மதத்தை சேர்ந்தவர்கள் என்பதால் முதலில் பெற்றோர்கள் திருமணத்திற்கு சம்மதிக்கவில்லை. இருவரும் தங்கள் காதலில் உறுதியாக இருந்ததால் காதலுக்கு பச்சைக் கொடி காட்டினர்.
அஜய் கிருஷ்ணாவுக்கும், ஜெஸ்ஸிக்கும் கடந்த ஜனவரி மாதம் நிச்சயதார்த்தம் நடந்து முடிந்தது. இந்நிலையில், அவர்களது திருமணம் சமீபத்தில் நடந்து முடிந்துள்ளது. அஜய் கிருஷ்ணாவின் திருமணத்திற்கு தொலைக்காட்சி பிரபலங்கள், சூப்பர் சிங்கரில் பயணித்த சக தோழர்கள் அனைவரும் வாழ்த்துகளை தெரிவித்துள்ளனர். அஜய் கிருஷ்ணா – ஜெஸ்ஸியின் புகைப்படங்கள் இணையத்தில் வைரலாகி வருகின்றன.