ரஷ்ய அதிபர் விளாடிமிர் உடல் நலம் பாதிக்கப்பட்டு உள்ளதாகவும் அவருக்கு ரத்த புற்றுநோய் இருப்பதாகவும் தகவல்கள் வெளியாகி உள்ளன.
ரஷ்ய அதிபர்
விளாடிமிர் புடின்
உடல் நிலை குறித்து அவ்வப்போது பல்வேறு தகவல்கள் வெளியாகி சர்ச்சையை ஏற்படுத்துவது வழக்கம். இந்நிலையில், ரஷ்ய அதிபர் விளாடிமிர் உடல் நலம் பாதிக்கப்பட்டு உள்ளதாகவும், அவருக்கு ரத்த புற்றுநோய் இருப்பதாகவும் தகவல்கள் வெளியாகி உள்ளன.
பிரிட்டன் உளவாளியான கிறிஸ்டோபர் ஸ்டீல், ஸ்கை நியூஸ் ஊடகத்துக்கு அளித்த பேட்டியில்,
ரஷ்யா
மற்றும் பிற பகுதிகளில் இருந்து வரும் தகவல்படி, விளாடிமிர்
புடின்
உடல்நலம் பாதிக்கப்பட்டு உள்ளது. அவர் கடுமையாக பாதிக்கப்பட்டுள்ளார் என கூறியுள்ளார்.
கொரோனா… தக்காளி வைரஸ்… இப்போ குரங்கு அம்மை.. போதும்டா சாமி!
இதற்கிடையே, ரஷ்ய அதிபர் விளாடிமிர் புடின் தரப்புக்கு நெருக்கமான ஒருவர், புடின் ரத்த புற்றுநோயால் பாதிக்கப்பட்டு உள்ளதாக தெரிவித்து உள்ளார். இதேபோல், உக்ரைன் நாட்டின் தளபதி கைர்யலோ புட்னவோ தனியார் தொலைக்காட்சி ஒன்றுக்கு அளித்துள்ள பேட்டியில், ரஷ்யாவில் விளாடிமிர் புடின் ஆட்சியை அகற்றுவதற்கான பணிகள் நடைபெற்று வருவதாகவும் கூறியுள்ளார். விளாடிமிர் புடின் தொடர்பான இந்த தகவல்களுக்கு இதுவரை ரஷ்ய தரப்பில் இருந்து எந்த மறுப்பும் தெரிவிக்கப்படவில்லை என்பது குறிப்பிடத்தக்கது.