தற்கொலை செய்த நடிகை சஹானாவின் தமிழ் படம் வெளியீட்டுக்கு தயாராகிறது
கேரள மாநிலம் காசர்கோட்டை சேர்ந்தவர் சஹானா. மாடல் அழகியான இவர் அவ்வப்போது படங்களிலும் நடித்தார். சஹானாவுக்கும், சஜ்ஜாத் என்பவருக்கும் கடந்த ஒன்றரை ஆண்டுகளுக்கு முன் திருமணம் நடந்தது.
இந்நிலையில் சஹானா தனது 21வது பிறந்தநாளன்று, தான் தங்கியிருந்த வீட்டில் தூக்கில் தொங்கிய நிலையில் சடலமாக மீட்கப்பட்டார். இதையடுத்து சஹானாவின் மரணம் குறித்து போலீசார் தீவிரமாக விசாரித்து வருகிறார்கள். சஹானாவின் மரணத்திற்கு கணவர் சஜ்ஜாத்தான் காரணம் என்று அவரது தயார் புகார் அளித்ததால் போலீசார் அவரை கைது செய்து விசாரித்து வருகிறார்கள்.
இந்த நிலையில் சஹானா தமிழில் நடித்த லாக் டவுன் என்ற படம் விரைவில் வெளிவர இருக்கிறது. இந்த படத்தை சண்டை இயக்குனர் ஜாலி பாஸ்டியன் இயக்கி உள்ளார். இதில் புதுமுகங்களுடன் சஹானா, மொட்டை ராஜேந்திரன் உள்பட பலர் நடித்துள்ளனர். கொரோனா ஊரங்கு காலத்தில் நடந்த ஒரு சம்பவத்தை அடிப்படையாக கொண்டு இந்த படம் தயாராகி உள்ளது.