வீடியோ ஸ்ட்ரீமிங் தளமான
நெட்பிளிக்ஸ்
, ஸ்கிரிப்ட் செய்யப்படாத நிகழ்ச்சிகள் மற்றும் ஸ்டாண்ட் அப் நகைச்சுவை மேடை நிகழ்ச்சிகளை நேரடியாக ஒளிபரப்ப திட்டமிட்டுள்ளது.
கிடைத்த தகவல்களின்படி,
நெட்ஃபிக்ஸ்
அதன் ஸ்கிரிப்ட் செய்யப்படாத நிகழ்ச்சிகள் மற்றும் ஸ்டாண்ட்-அப் ஸ்பெஷல்களை நேரலை செய்ய சோதனை செய்து வருவதாக தெரியவந்துள்ளது.
தொலைக்காட்சிகளில் நடத்தப்படும் போட்டித் தொடர்கள் மிகவும் பிரபலமடைந்து வருகிறது. இது போன்ற போட்டி தொடர்களை நேரலை செய்ய நெட்பிளிக்ஸ் முடிவெடுத்துள்ளது.
நடக்கவிருக்கும், தி சர்கிள் தயாரிக்கும் ஸ்டுடியோ லேம்பெர்டின் (Studio Lambert) நடனப் போட்டியான ‘Dance 100’ஐ நேரலையில் ஒளிபரப்ப நெட்பிளிக்ஸ் சோதனை செய்துவருவதாக தகவல்கள் தெரிவிக்கின்றன.
இதற்கான கால அளவை நிறுவனம் இதுவரை வெளியிடவில்லை. எனினும், இது தொடர்பான முதற்கட்ட பணிகள் நடைபெற்று வருவதாகக் கூறப்பட்டுள்ளது.
DD Free Dish: ரூ.1 கூட செலுத்தாமல் இலவசமாக டிவி பார்க்கலாம்!
வீடியோக்களில் விளம்பரங்கள்
மந்தமான வளர்ச்சி மற்றும் உலகளவில் பயனர் எண்ணிக்கை குறைந்து வருவதால், நெட்பிளிக்ஸ் தனது டிவி நிகழ்ச்சிகள் மற்றும் திரைப்படங்களில் விளம்பரங்களைக் கொண்டு வருவதற்கான திட்டங்களை வேகமாக செயல்படுத்தி வருவதாகவும் தெரிகிறது. இந்த ஆண்டு இறுதிக்குள்,
Netflix
அதன் உள்ளடக்கங்களில் விளம்பரங்களை உலாவ விடும் என்று எதிர்பார்க்கப்படுகிறது.
நிறுவனம் கடந்த மாதம் ஒரு அதன் சந்தாதாரர்களின் இழப்பு குறித்த அறிக்கையை பொதுவெளியில் பதிவுசெய்தது. கொரோனா காலகட்டத்தில் நிறுவனம் ஈட்டிய வருவாய் மற்றும் சந்தாதாரர்களின் எண்ணிக்கையில் பெருமளவு தற்போது குறைந்துவருவதாக அதில் குறிப்பிடப்பட்டிருந்தது.
பின்தங்கிய சந்தாதாரர்களின் வளர்ச்சியானது, போட்டியாளர்களான HBO Max மற்றும் Disney+ போன்ற ஓடிடி நிறுவனங்களுக்கு சாதகமாக அமைந்தது. இதையடுத்து, அவர்களைப் போன்று விளம்பரங்களுடன் குறைந்த விலை திட்டங்களை அறிமுகம் செய்ய நெட்பிளிக்ஸ் திட்டமிட்டது.
பயனர்கள் ஒரு கணக்கை பல நபர்களுடன் பகிர்ந்துகொள்வதால், பெரும் இழப்பு ஏற்படுவதாக நெட்பிளிக்ஸ் முன்னதாக கூறியிருந்தது. இதனை சரிசெய்ய ஆட்-ஆன் திட்டத்தையும் செயல்படுத்த இருப்பதாக நிறுவனம் கூறியிருந்தது. இந்த சேவை சில நாடுகளில் தற்போது சோதனை செய்யப்பட்டு வருகிறது.
ஓடிடி தளங்களை அள்ளித்தரும் Jio மலிவு விலை போஸ்ட்பெய்டு திட்டங்கள்!
டிஸ்னி+ வருவாய் பாதிப்பு
நெட்பிளிக்ஸ் நிறுவனத்திற்கு நேரடிப் போட்டியாளராக இருக்கும் டிஸ்னி+, தனது வருவாய் குறைந்துள்ளதாக அறிவித்துள்ளது. எனினும், வருவாய் குறைந்தபோதிலும், சந்தாதாரர்கள் எண்ணிக்கை அதிகரித்துள்ளதாக நிறுவனம் வெளியிட்ட அறிக்கையில் குறிப்பிட்டுள்ளது.
இதன் நிகர வருமானம் $470 மில்லியன் டாலராகப் பதிவாகியுள்ளது. இது ஒரு வருடத்திற்கு முந்தைய இதே காலத்தில் ஈட்டிய $912 மில்லியன் லாபத்தில் பாதிக்கும் சற்று கூடுதலாகும்.
செய்திகளை உடனுக்குடன் படிக்க கூகுள் நியூஸ் ‘சமயம் தமிழ்’ பக்கத்தை பின் தொடருங்கள்
தற்போது, டிஸ்னி+ ஓடிடி ஸ்ட்ரீமிங் சேவை புதிதாக 7.9 மில்லியன் சந்தாதாரர்களைப் பெற்று, தனது மொத்த சந்தாதாரர்கள் எண்ணிக்கையை 137.7 மில்லியனாக உயர்த்தியுள்ளது.