கேன்ஸ் திரைப்பட விழாவில் வெளியாகும் 'தி லெஜண்ட்' பட பர்ஸ்ட் லுக்
இயக்குனர்கள் ஜேடி – ஜெர்ரி இயக்கத்தில் லெஜெண்ட் சரவணன் புதிய படம் ஒன்றில் கதாநாயகனாக அறிமுகமாகியுள்ளார் . தி லெஜண்ட்' என தலைப்பு வைக்கப்பட்டுள்ள இந்தப் படத்தில் பாலிவுட் நடிகை ஊர்வசி ரவுட்டேலா நாயகியாக நடிக்கிறார். மேலும் இப்படத்தில் மறைந்த நடிகர் விவேக், நடிகர்கள் மயில்சாமி, பிரபு ஆகியோர் முக்கியக் கதாபாத்திரத்தில் நடித்துள்ளனர் . ஹாரிஸ் ஜெயராஜ் இசையமைக்கிறார். இந்த படம் தமிழ், தெலுங்கு, கன்னடம், இந்தி மற்றும் மலையாளம் என ஐந்து மொழிகளில் வெளியாகவுள்ளது.
இந்நிலையில் 'தி லெஜண்ட்' படத்தின் பர்ஸ்ட் லுக் போஸ்டர் கேன்ஸ் திரைப்பட விழாவில் வெளியிடப்பட இருப்பதாகக் கூறப்படுகிறது. இந்த திரைப்பட விழாவிற்கு செல்வதற்கு முன்னர் பத்திரிகையாளர்களிடம் பேசிய ஊர்வசி, ‛‛தமிழில் அறிமுகமாக இருப்பதில் மகிழ்ச்சி என்றும், கேன்ஸில் 'தி லெஜண்ட்' படத்தின் போஸ்டரின் வெளியீட்டு விழாவிற்கு அழைக்கப்பட்டதற்கு பெருமைப்படுவதாகவும்'' தெரிவித்துள்ளார்.
இதனிடையே 'தி லெஜண்ட்' படத்தின் இரண்டாவது பாடலை வருகிற மே 20ல் வெளியிடுகின்றனர். கேன்ஸ் பட விழாவில் வெள்ளை நிற கவுனில் ரெட் கார்பட்டில் நடிகை ஊர்வசி ரவுட்டேலா ஒய்யாரமாக நடந்து வரும் அசத்தலான போட்டோக்கள் சமூகவலைதளங்களில் வைரலாகி வருகிறது.