சென்னை விமான நிலையம் மற்றும் முதலமைச்சர் மு.க ஸ்டாலின் வீட்டுக்கு வெடிகுண்டு மிரட்டல் விடுத்த இளைஞர் கைது செய்யப்பட்டுள்ளார்.
தமிழகத்தில் கடந்த 2 நாட்களுக்கு முன்பு காவல்துறை கட்டுப்பாட்டு அறைக்கு பேசிய மர்ம நபர் ஒருவர் சென்னை ஆழ்வார்பேட்டையில் உள்ள தமிழக முதல்வர் ஸ்டாலின் வீடு மற்றும் சென்னை மீனம்பாக்கம் சர்வதேச விமான நிலையத்திலும் வெடிகுண்டு வெடிக்கும் என தெரிவித்திருந்தார்.
அதனைத்தொடர்ந்து சென்னை ஆழ்வார்பேட்டையில் உள்ள தமிழக முதல்வர் மு.க.ஸ்டாலின் வீடு மற்றும் சென்னை மீனம்பாக்கம் சர்வதேச விமான நிலையம் உள்ளிட்ட இடங்களில் மோப்ப நாய் உதவியுடன் வெடிகுண்டு நிபுணர்கள் சோதனை நடத்தினர்.
இந்த நிலையில் சென்னை விமான நிலையம் மற்றும் முதலமைச்சர் மு.க ஸ்டாலின் வீட்டுக்கு வெடிகுண்டு மிரட்டல் விடுத்த இளைஞர் கைது செய்யப்பட்டுள்ளார். மேலும், போலீசார் நடத்திய விசாரணையில் போதையில் காவல்துறை கட்டுப்பாட்டு அறைக்கு வெடிகுண்டு மிரட்டல் விடுத்ததாக கைதான இளைஞர் தெரிவித்துள்ளார்.