விக்ரம் படத்தில் சூர்யா வரும் காட்சிகள் எவ்வளவு நிமிடம்
லோகேஷ் கனகராஜ் இயக்கத்தில் கமல்ஹாசன் தயாரித்து நடித்துள்ள படம் விக்ரம். அவருடன் விஜயசேதுபதி, பகத் பாசில் ஆகியோர் முக்கிய வேடங்களில் நடித்து இருக்கும் நிலையில் கமலின் மன்மதன் அன்பு படத்திற்கு பிறகு இந்த படத்திலும் ஒரு கெஸ்ட் ரோலில் நடித்திருக்கிறார் சூர்யா. இது குறித்த தகவல்கள் ஏற்கனவே வெளியான நிலையில் தற்போது இந்த படத்தில் சூர்யா இரண்டு நாட்கள் நடித்த கொடுத்ததாகவும், அவர் நடித்த காட்சிகள் 10 முதல் 15 நிமிடங்கள் வரை படத்தில் இடம்பெறும் என்றும் கூறப்படுகிறது.
இதனிடையே விக்ரம் படப்பிடிப்பு சமயத்தில் கேரவன் மாதிரியான இடத்தில் சூர்யாவுடன் இயக்குனர் லோகேஷ் உள்ளிட்ட அவரது குழுவினர் குரூப் போட்டோ எடுத்துள்ளனர். அந்த போட்டோவை இப்போது பகிர்ந்து சூர்யாவை விக்ரம் குழுவில் வரவேற்பதாக லோகேஷ் பதிவிட்டுள்ளார்.
விக்ரம் படத்தில் சூர்யாவிற்கு சிறப்புத் தோற்றமாக இருந்தாலும் இந்த படத்திற்கு திருப்புமுனையை ஏற்படுத்தும் ஒரு கதாபாத்திரத்தில் அவர் நடித்திருப்பதாகவும் தகவல்கள் வெளியாகி உள்ளன. அதன் காரணமாக விக்ரம் திரைப்படம் சூர்யா ரசிகர்கள் மத்தியிலும் எதிர்பார்ப்பை ஏற்படுத்தி உள்ளது.