பேங்க் ஆப் இந்தியா லாபம் 142% உயர்வு: ஆனால் பங்குச்சந்தையில் வீழ்ச்சி ஏன்?

நிகரலாபம்

கடந்த 2021 – 22 ஆம் நிதியாண்டின் இறுதி காலாண்டில் பேங்க் ஆப் இந்தியாவின் நிகர லாபம் 606 கோடி ரூபாய் என்றும் முந்தைய நிதி ஆண்டில் இதே காலகட்டத்தில் இந்த வங்கியின் நிகர லாபம் ரூ.250 கோடியாக மட்டுமே இருந்தது என்றும் குறிப்பிடப்பட்டுள்ளது.

வங்கியின் மொத்த வருவாய்

இந்த ஆண்டு ஜனவரி முதல் மார்ச் வரையிலான காலாண்டில் பேங்க் ஆப் இந்தியாவின் மொத்த வருமானம் ரூபாய் 11,443.46 கோடியாக இருந்தது என்றும் முந்தைய ஆண்டில் இதே மாதங்களில் பெற்ற வருவாய் 11, 155.53 கோடி என்றும் அந்த அறிவிப்பில் குறிப்பிடப்பட்டுள்ளது.

 

வாராக்கடன்

மேலும் இந்த நான்காவது காலாண்டில் வாராக் கடன் விகிதம் 2.3 சதவீதமாக குறைந்துள்ளது என்றும் முந்தைய ஆண்டில் இதே காலாண்டில் வாராக்கடன் விகிதம் 3.35 சதவிகிதமாக இருந்தது என்றும் அந்த செய்தி குறிப்பில் கூறப்பட்டுள்ளது.

பங்குச்சந்தை

பேங்க் ஆப் இந்தியா நல்ல லாபத்தில் இயங்கி கொண்டிருக்கும் அதே நேரத்தில் பேங்க் ஆப் இந்தியாவின் பங்குகள், பங்குச்சந்தையில் கடந்த ஆண்டு மே மாதத்தில் ரூ.77 என்று இருந்த நிலையில் தற்போது 45 ரூபாயாக குறைந்து வர்த்தகமாகி வருகிறது என்பது குறிப்பிடத்தக்கது. இதற்கு ஒட்டுமொத்த பங்கு சந்தை வீழ்ச்சி அடைந்தது தான் காரணம் என்றும் வங்கியின் செயல்பாடு குறைவினால் பங்குச் சந்தையின் அதன் விலை வீழ்ச்சி அடையவில்லை என்றும் பங்குச் சந்தை வல்லுனர்கள் கூறுகின்றனர்.