விடுதலை : வெற்றிமாறனின் திட்டம்
வெற்றிமாறன் இயக்கத்தில் விஜய் சேதுபதி, சூரி, கவுதம் மேனன், பிரகாஷ்ராஜ், பவானி ஸ்ரீ உள்பட பலர் நடித்து வரும் படம் விடுதலை. இளையராஜா இப்படத்திற்கு இசையமைக்கிறார். கதையின் நாயகனாக சூரி நடித்து வரும் இந்தப் படத்தில் விஜய் சேதுபதி ஒரு முதன்மை கதாபாத்திரத்தில் நடிக்கிறார். ஆரம்பத்தில் சில நாட்கள் மட்டுமே இப்படத்தில் விஜய் சேதுபதி நடிப்பார் என்று கூறப்பட்ட நிலையில், தற்போது அவரது கதாபாத்திரத்திற்கு கூடுதல் முக்கியத்துவம் கொடுத்து கதையில் மாற்றம் செய்துள்ளார் வெற்றிமாறன்.
அதனால் அவரிடத்தில் கூடுதலாக கால்ஷீட் வாங்கி படப்பிடிப்பு நடத்தி வருகிறார். இப்படி விஜய் சேதுபதியின் கதாப்பாத்திரத்தை அதிகப்படுத்தியதால் படத்தின் நீளம் திட்டமிட்டதை விட அதிகரித்து விட்டதாம். அதன் காரணமாக தற்போது விடுதலை படத்தை இரண்டு பாகங்களாக வெளியிடுவதற்கு வெற்றி மாறன் திட்டமிட்டிருப்பதாக வும், முதல் பாகம் வெளியாகி அடுத்த மூன்று மாதத்தில் இரண்டாவது பாகத்தை வெளியிட திட்டமிட்டிருப்பதாகவும் தகவல்கள் வெளியாகியுள்ளன.