சென்னை சூளை பகுதியில் உள்ள குப்பைத் தொட்டியில் மனித எழும்புக்கூடு கண்டெடுக்கப்பட்டது குறித்து போலீசார் விசாரித்து வருகின்றனர்.
வேப்பேரி கலத்தி அப்பா பிராதான சாலையில், சென்னை மாநகராட்சி தூய்மைப் பணியாளர்கள் குப்பைத் தொட்டியில் உள்ள குப்பையை அள்ளும் பணியில் ஈடுபட்டனர்.
அப்போது, பிளாஸ்டிக் கோணிப் பையில் மனித எலும்புக்கூடு மற்றும் 4 எலும்பு துண்டுகள் கிடந்துள்ளன. அதிர்ச்சியடைந்த தூய்மை பணியாளர்கள் காவல் கட்டுப்பாட்டு அறைக்கு தகவல் தெரிவித்தனர்.
தகவலின் பேரில் விரைந்து வந்த வேப்பேரி போலீசார், மனித எலும்புக் கூட்டை கைப்பற்றி மருத்துவமனைக்கு அனுப்பி வைத்து, பல்வேறு கோணங்களில் விசாரணை மேற்கொண்டு வருகின்றனர்.