தக தகவென ஜொலிக்கும் ஜனனி, காயத்ரி
சின்னத்திரை நடிகைகளுக்கு சினிமா நடிகைகளை விட மவுசு அதிகரித்து கொண்டே செல்கிறது. அதற்கேற்றார்போல் சீரியல் நடிகைகளும் சோஷியல் மீடியாவில் தங்களை பிரபலப்படுத்திக் கொள்ள அனைத்து விதமான முயற்சிகளையும் எடுத்து வருகின்றனர். அதில் அவர்களுக்கு அடிஷனல் போனஸாக விளம்பரங்களுக்கான வாய்ப்பும் எளிதாக கிடைக்கிறது. அந்த வகையில் இன்ஸ்டாவில் போட்டோஷூட்களின் மூலம் பிரபலமான சின்னத்திரை நடிகைகளில் ஜனனி அசோக்குமாரும் ஒருவர். அதேபோல் காயத்ரி யுவராஜூம் ரீல்ஸ் வீடியோக்களில் நடனமாடி ஆக்டிவாக இருந்து வருகிறார். இவர்கள் இருவரும் தற்போது மேக்கப் மற்றும் புடவை விளம்பரத்திற்காக ஒன்றாக சேர்ந்து போஸ் கொடுத்து போட்டோஷூட் நடத்தியுள்ளனர். பட்டுப்புடவையில் தக தகவென ஜொலிக்கும் இருவரும் ஒரே மாதிரியான மேக்கப்பில் ஒன்றாக நின்று ஒரே மாதிரி போஸ் கொடுத்துள்ளனர். இதனால் நெட்டிசன்கள் இந்த ரெண்டு அழகிகளில் யாருக்கு அழகி பட்டம் கொடுப்பது என குழம்பி வருகின்றனர்.