*அமெரிக்கவில் 2 டி0 ஆட்டங்களில் விளையாட இந்தியா ஒப்புக் கொணடுள்ளது’ என்று வெஸ்ட் இண்டீஸ் கிரிக்கெட் சங்கம் தெரிவித்துள்ளது. அதன்படி ஆக.6, 7 தேதிகளில் புளோரிடாவில் இந்த ஆட்டங்கள் நடக்கும். * ஐரோப்பிய கால்பந்து கூட்டமைப்பு சாம்பியன் அணிக்கும், தென் அமரிக்க கால்பந்து கூட்டமைப்பு சாம்பியன் அணிக்கும் இடையே ‘லா பைனலிசிமா கோப்பை’ கால்பந்து போட்டி நேற்று இங்கிலாந்தின் வெம்ப்ளே அரங்கில் நடந்தது. அதில் 2021ம் ஆண்டில் கோபா கோப்பை வென்ற அர்ஜென்டீனா(தென் அமெரிக்கா) அணி 3-0 என்ற கோல் கணக்கில் யுரோ கோப்பையை கைப்பற்றிய இத்தாலி(ஐரோப்பா) அணியை வீழ்த்தியது.* வங்கதேச கிரிக்கெட் அணியின் டெஸ்ட் கேப்டன் பதவியில் இருந்து சமீபத்தில் மொமினுல் ஹக் விலகினார். அதனையடுத்து புதிய கேப்டனாக ஷாகிப் அல் ஹசன் மீண்டும் நியமிக்கப்பட்டு உள்ளார். துணைக் கேப்டனாக லிட்டன்தாஸ் இருப்பார்.* நார்வே கிளாசிக்கல் ஆன்லைன் செஸ் போட்டியில் இந்தியாவின் விசுவநாதன் ஆனந்த் முதல் சுற்றில் பிரான்ஸ் வீரர் மேக்சிம் வசியரை வீழ்த்தினார். தொடர்ந்து 2வது சுற்றில் பல்கேரியா வீரர் வெசெலின் டோபலோவுடன் மோதினார். அதில் 36வது நகர்வில் வெற்றியை வசப்படுத்தினார். தொடர்ந்து அடுத்தடுத்த வெற்றிகள் மூலம் 6 புள்ளிகளுடன் ஆனந்த் இப்போது முன்னிலையில் உள்ளார். * இங்கிலாந்து – நியூசிலாந்து இடையிலான முதல் டெஸ்ட் ஆட்டம் நேற்று லார்ட்ஸ் அரங்கில் தொடங்கியது. டாஸ் வென்று களமிறங்கிய நியூசி வீரர்கள் அடுத்தடுத்து விக்கெட்களை இழந்ததால் நியூசி ரன் குவிக்க தடுமாறியது. முதல் 10ஓவரில் டாம் லாதம் 1, வில் யங் 1, கேன் வில்லியம்சன் 2, டெவன் கான்வே 3, கேல் ஜேமிசன் 6 ரன்களில் ஆட்டமிழந்தனர். கொஞ்ச நேரம் தாக்குப் பிடித்த டாரியல் மிட்செல் 13, டாம் பிளெண்டல் 14ரன்னில் வெளியேறினர். அந்த அணி 25ஓவர்களில் 7 விக்கெட்களை இழந்து 45ரன் மட்டும் எடுத்திருந்தது.* பிரெஞ்ச் ஓபன் டென்னிஸ் ஆடவர் இரட்டையர் பிரிவில் இந்தியாவின் ரோகன் போபண்ணா, நெதர்லாண்டின் மாத்யூ மிடில்கூப் இணை அரை இறுதிக்கு முன்னேறி அசத்தியது. அவர்கள் நேற்று நடந்த அரை இறுதியில் மார்செலோ(எல் சால்வடார்), ஜீன் ஜூலியன்(நெர்தாலந்து) இணையுடன் மோதினர். முதல் 2 செட்களை ஆளுக்கொன்றை கைப்பற்றினர். தொடர்ந்து டைபிரேக்கர் வரை நீண்ட 3வது சுற்றை மார்செலோ/ஜீன் இணை கணக்கில் கைப்பற்றியது. அதனால் 2 மணி 7 நிமிடங்கள் போராடிய ரோகன் இணை 6-4, 3-6, 6-7(8-10) என்ற செட்களில் தோற்றது.* தமிழகத்தைச் சேர்ந்த டேபிள் டென்னிஸ் வீரர் விஷ்வா தீனதயாளன்(18) 2 மாதங்களுக்கு முன்பு போட்டியில் பங்கேற்க மேகாலயா சென்றார். அங்கு சாலை விபத்தில் உயிரிழந்தார்.அப்போது மத்திய அரசின் இந்திய விளையாட்டு ஆணையம்(சாய்), விஷ்வாக்கான விபத்து காப்பீட்டு தொகையை உடனடியாக பெற்று தருவதாக உறுதி அளித்தது. அதற்கான முயற்சிகளை மேற்கொண்ட போது சாய் எந்த பதிலையும் அளிக்கவில்லையாம். பன்னாட்டு நிறுவனத்தில் வேலை செய்து வந்த விஷ்வாவின் தந்தை தீனதயாளன், கொரோனா காலகட்டத்தில் வேலையை இழந்து விட்டார்.