சுவைக்காக மட்டுமின்றி மருத்துவ பலன்களுக்காகவும் சேர்க்கப்படும் ஒரு பொருள் தான் இஞ்சி.
இதில் பொட்டாசியம், மாங்கனீசு, குரோமியம், மெக்னீசியம், மற்றும் துத்தநாகம், விட்டமின்கள், மினரேல்ஸ் போன்றவை அதிகம் நிறைந்துள்ளது.
சளி, இருமல், செரிமான பிரச்சனைகள், வயிற்று வலி மற்றும் உடல்வலி மற்றும் பிற உடல்நலப் பிரச்சனைகள் போன்ற பொதுவான நோய்களைக் குணப்படுத்த இஞ்சி பல வீட்டு வைத்தியங்களில் பயன்படுத்தப்படுகிறது.
குறிப்பாக அதிகப்படியான தொப்பை கொழுப்பை கரைக்க இஞ்சி பெரிதும் உதவுகின்றது.
அந்தவகையில் இதனை எப்படி எடுத்து கொள்ளலாம்? எப்படி உதவுகின்றது என்று பார்ப்போம்.
இஞ்சி கொழுப்பைக் கரைக்குமா?
இஞ்சியை சரியான முறையில் எடுத்துக்கொண்டால் எடை இழப்புக்கு உதவும். உண்மையில், இஞ்சியின் அழற்சி எதிர்ப்பு பண்புகள் மற்றும் ஆக்ஸிஜனேற்ற பண்புகள் கொழுப்பைக் கரைக்கவும், வீக்கத்தைக் குறைக்கவும், மலச்சிக்கலை சரிசெய்யவும் மற்றும் செரிமானத்தை மேம்படுத்தவும் நன்றாக வேலை செய்கின்றன.
எப்படி எடுத்து கொள்ளலாம்?
தொப்பை கொழுப்புக்கு 1 தேக்கரண்டி துருவிய இஞ்சியை எடுத்து 3 தேக்கரண்டி எலுமிச்சை சாறுடன் சேர்த்து, 1 லிட்டர் வெதுவெதுப்பான நீரில் கலக்கவும். அதை நன்றாக குலுக்கி, நாள் முழுவதும் பருகவும்.
2 கப் தண்ணீர் எடுத்து 1 டீஸ்பூன் துருவிய இஞ்சியை சேர்க்கவும். தண்ணீரை கொதிக்கவைத்து, பானத்தை வடிகட்டி, 1 தேக்கரண்டி எலுமிச்சை சாறு மற்றும் ஒரு சிட்டிகை இலவங்கப்பட்டை சேர்க்கவும். இதை நன்றாகக் கலந்து மதிய உணவிற்குப் பிறகு குடித்தால் வாயுத் தொல்லையும் குறையும்.
இஞ்சியை சிறிது தடிமனான துண்டுகளாக அல்லது சிறிய சிறிய க்யூப்ஸாக வெட்டவும். அடுத்து, ஒரு பெரிய கிண்ணத்தை எடுத்து 1 கப் எலுமிச்சை சாறு, 1 தேக்கரண்டி கருப்பு மிளகு, 1 தேக்கரண்டி ஆம்சூர் தூள் மற்றும் கல் உப்பு சேர்க்கவும். பின்னர், இஞ்சி க்யூப்சை மசாலாவில் ஊற வைக்கவும். வெயிலில் காய வைக்கவும். இப்போது சுவையான இஞ்சி மிட்டாய் தயார். மதிய உணவு அல்லது இரவு உணவிற்குப் பின் இந்த இஞ்சி மிட்டாயை சாப்பிடவும்.
குறிப்பு
கோடை காலத்தில் ஒருவர் 3-4 கிராமுக்கு மேல் இஞ்சியை எடுத்துக்கொள்ளக் கூடாது. ஏனெனில், இது உடல் சூட்டை அதிகரிக்கும் மற்றும் செரிமான பிரச்சனையை ஏற்படுத்தும்.
நீங்கள் ஆசிட் ரிஃப்ளக்ஸ் அல்லது வயிற்றுப் புண்களால் அவதிப்பட்டால், இஞ்சி நிலைமையை மோசமாக்கும் என்பதால், இந்த வைத்தியங்களைச் சேர்ப்பதைத் தவிர்ப்பது நல்லது. மேலும், ஒவ்வாமை பிரச்சனை உள்ளவர்களும் இஞ்சி சேர்ப்பதை தவிர்த்துக்கொள்ளுங்கள்.