CERT-In Alert: பிரவுசர் பாதுகாப்பு கேள்விக்குறி? குரோம், ஃபயர்பாக்ஸ் உலாவிகளுக்கு ஆபத்து!

CERT-In Alert: நீங்கள் கூகுள் குரோம், மொசில்லா ஃபயர்பாக்ஸ் பயனராக இருந்தால், சரியான நேரத்தில் எச்சரிக்கையாக இருக்க வேண்டியது அவசியம். இந்திய அரசின் கணினி பாதுகாப்பு நிறுவனமான CERT-in அறிக்கையின் படி, கூகுள் குரோம் பயனர்களுக்கு சமீபத்தில் ஒரு எச்சரிக்கை விடுக்கப்பட்டுள்ளது.

அதாவது, ‘இந்திய கணினி அவசர உதவிக் குழு (CERT-In)’ கூகுள் குரோம் (Google Chrome), மொசில்லா ஃபயர்பாக்ஸ் (Mozilla Firefox) ஆகிய பிரவுசர்கள் பயன்படுத்தும் பயனர்களுக்கு மீண்டும் எச்சரிக்கை விடுத்துள்ளது. அரசாங்கத்தின் எச்சரிக்கை குறிப்பாக குரோம் பிரவுசர் பயன்படுத்துபவர்களுக்கு விடுக்கப்பட்டுள்ளது.

Clean Coast: மெரினாவில் குளிக்கும் முன் இந்த செயலியை பார்த்துவிட்டு செல்லவும்!

புரவுசர்களுக்கு எச்சரிக்கை

இந்த பிரவுசர்களில் உள்ள பிழைகள் காரணமாக பயனர்களின் தரவை ஹேக்கர்கள் அணுகலாம் என CERT-In தெரிவிக்கிறது. இதன் விளைவாக, அவர்கள் அனைத்து பாதுகாப்பு அமைப்புகளையும் கடந்து தன்னிச்சையான குறியீட்டை இயக்க முடியும் என்றும் கூறியிருக்கிறது.

Aadhaar Card: ஆதார் அட்டையில் உள்ள புகைப்படம் பிடிக்கவில்லையா? இப்படி செய்தால் மாற்றலாம்!

CERT-In இந்த பிழைகளை அதிக ஆபத்து எனக் குறிப்பிட்டுள்ளது. இதில் குரோம் வெர்ஷன் 96.0.4664.209 இன் முந்தைய பதிப்புகளும் அடங்கும். தொழில்நுட்ப நிறுவனமான கூகுளின் கூற்றுப்படி, நிறுவனம் இந்த பிழைகள் அனைத்தையும் கண்டுபிடித்து நீக்கியுள்ளதாக தெரிவித்துள்ளது.

Nothing Phone 1: போன்களின் புதிய நாயகன் நத்திங் போன் 1 அவதாரம் ஜூலை 12 முதல்…!

இந்தப் பிழைகளிலிருந்து பயனர்கள் பாதுகாப்பாக இருக்க, கூகுள் நிறுவனம் குரோமின் புதிய பதிப்பை கணினிகளில் நிறுவ பயனர்களைக் கேட்டுக் கொண்டுள்ளது. கூடுதலாக, CERT-In, மொசில்லா ஃபயர்பாக்ஸ் பதிப்பு 91.10க்கு முந்தையப் பதிப்புகளில் பிழைகள் இருப்பதாகவும்க் எச்சரித்துள்ளது.

மொசில்லா நிறுவனம் வெளியிட்ட புதுப்பிப்பு

Mozilla இந்த பிழைகள் அனைத்தையும் உயர்வாக மதிப்பிட்டுள்ளது. இது குறித்து விளக்கம் அளித்திருக்கும் நிறுவனம், “கண்டறியப்பட்ட பிழைகள், கணினிகளில் ஊடுருவி தாக்குபவர்களுக்கு எளிதானதாக இருந்தது. கூடுதலாக, அவர்கள் முக்கியமான தகவலை எடுத்து தன்னிச்சையான குறியீட்டை இயக்கலாம்.

செய்திகளை உடனுக்குடன் படிக்க கூகுள் நியூஸ் ‘சமயம் தமிழ்’ பக்கத்தை பின் தொடருங்கள்

ஹேக்கர்கள் இலக்கு அமைப்பையும் தாக்கலாம். இது குறித்த அப்டேட்டை மொஸில்லா நிறுவனம் வெளியிட்டுள்ளது. இதைத் தவிர்க்க, பயனர்கள் Mozilla Firefox iOS 101, Mozilla Firefox Thunderbird பதிப்பு 91.10, Mozilla Firefox ESR பதிப்பு 91.10 மற்றும் Mozilla Firefox 91.10 மற்றும் Mozilla Firefox பதிப்பு 101 ஆகியவற்றைப் பதிவிறக்கி அப்டேட் செய்ய வேண்டும்.” என்று நிறுவனம் தெரிவித்துள்ளது.