'தேஜாவு' படத்தின் ரிலீஸ் தேதி அறிவிப்பு
அறிமுக இயக்குனர் அரவிந்த் ஸ்ரீனிவாசன் இயக்கத்தில் உருவாகி உள்ள 'தேஜாவு' படத்தில் அருள்நிதி கதாநாயகனாக நடித்துள்ளார். நடிகை ஸ்மிருதி வெங்கட் அருள்நிதிக்கு ஜோடியாக நடித்துள்ளார் . முக்கிய கதாபாத்திரங்களில் மதுபாலா, காளி வெங்கட், ராகவ் விஜய், மைம் கோபி ஆகியோர் நடித்துள்ளனர். ஜிப்ரான் இசையில் பாடல்கள் உருவாகி வருகிறது. அருள்நிதி இப்படத்தில் போலீஸ் அதிகாரியாக நடித்துள்ளார். சமீபத்தில் இப்படத்தின் டீசர் வெளியாகி நல்ல வரவேற்பை பெற்ற நிலையில் தற்போது இப்படத்தின் ரிலீஸ் தேதி குறித்த அறிவிப்பு வெளியாகியுள்ளது. இப்படம் வருகின்ற ஜூலை 21-ஆம் தேதி திரையரங்குகளில் வெளியாக இருப்பதாக அறிவிக்கப்பட்டுள்ளது.