'சூரரைப்போற்று' ஹிந்தி ரீமேக்கில் சிறப்பு தோற்றத்தில் சூர்யா ?
சூர்யா நடிப்பில் மற்றும் சுதா கொங்கரா இயக்கத்தில் வெளியான 'சூரரைப்போற்று' திரைப்படம் சூப்பர் ஹிட் ஆனது . டெக்கான் ஏர்வேஸ் நிறுவனர் ஜி.ஆர்.கோபிநாத்தின் வாழ்க்கையை மையமாக கொண்டு வெளியாகிய இப்படம் ஹிந்தியில் தற்போது ரீமேக் ஆகி வருகிறது.
தமிழில் இயக்கிய சுதா கொங்கராவே ஹிந்தியிலும் இயக்குக்கிறார். சூர்யாவின் 2டி என்டர்டெயின்மெண்ட்ஸ் நிறுவனமும், அபண்டன்ஷியா என்டர்டெயின்மென்ட் நிறுவனமும் இணைந்து இப்படத்தைத் தயாரிக்கின்றன. சூர்யா கதாபாத்திரத்தில் பாலிவுட் நடிகர் அக்ஷய் குமார் நடிக்கிறார். ராதிகா மதன் என்பவர் கதாநாயகியாக நடிக்கிறார்.
படத்தின் முதற்கட்ட படப்பிடிப்பு நிறைவடைந்துள்ளது. தற்போது இரண்டாம் கட்ட படப்பிடிப்பு சென்னையில் தொடங்கி நடைபெற்று வரும் நிலையில் நடிகர் சூர்யா இந்தப் படத்தில் சிறப்பு தோற்றத்தில் நடித்துள்ளதாகக் கூறப்படுகிறது. இதற்காக ஒரு நாள் படப்பிடிப்பில் ஈடுபட்டுள்ளார்.