பெட்ரோல் – டீசல் விலை
சென்னையில் 23வது நாளாக பெட்ரோல், டீசல் விலையில் மாற்றமில்லை. பெட்ரோல் ஒரு லிட்டர் ரூ.102.63க்கும், டீசல் ஒரு லிட்டர் ரூ.94.24க்கும் விற்பனை செய்யப்படுகிறது.
ராகுல் காந்தி இன்று மீண்டும் ஆஜராக உத்தரவு
காங்கிரஸ் எம்.பி. ராகுல் காந்தி இன்று மீண்டும் விசாரணைக்கு ஆஜராக அமலாக்கத்துறை உத்தரவிட்டுள்ளது. நேஷனல் ஹெரால்டு வழக்கு தொடர்பாக நேற்று 9 மணி நேரம் விசாரணை நடைபெற்ற நிலையில் இன்றும் ஆஜராக உத்தரவு.
அதிகரிக்கும் குரங்கு அம்மை
இங்கிலாந்தில் மேலும் 104 பேருக்கு குரங்கம்மை பாதிப்பு உறுதி செய்யப்பட்டுள்ளது. இதன் மூலம் இங்கிலாந்தில் குரங்கு அம்மையால் பாதிக்கப்பட்டவர்களின் எண்ணிக்கை 470 ஆக அதிகரிப்பு
அடுத்த ஒன்றரை ஆண்டுகளில் 10 லட்சம் பேரை மத்திய அரசுப் பணிகளில் சேர்க்க பிரதமர் மோடி உத்தரவிட்டுள்ளார். அனைத்துத்துறை அமைச்சகங்களில் பணியார்கள் பற்றாக்குறை குறித்து ஆய்வு நடத்திய பிரதமர் உத்தரவு
இந்தியாவில் ஒரே நாளில் 6,594 பேருக்கு கொரோனா கண்டறியப்பட்டது. நேற்று 8,084 ஆக இருந்த கொரோனா பாதிப்பு இன்று 6,594 ஆக குறைந்துள்ளது. ஒரே நாளில் 4,035 பேர் கொரோனா பாதிப்பிருந்து குணமடைந்தனர். இதன் மூலம் குணமடைந்தவர்கள் எண்ணிக்கை 4,26,61,370
இன்று முதல் துறைவாரியாக தமிழ்நாடு முதலமைச்சர் ஆலோசனை மேற்கொள்கிறார். வருவாய் நிர்வாகம் மற்றும் பேரிடர் மேலாண்மை துறையிடம் இன்று ஆலோசனை மேற்கொள்கிறார். மின்சாரத்துறை சார்பாக நாளை அமைச்சர் செந்தில் பாலஜியுடன் ஆலோசனை மேற்கொள்கிறார்.
வரும் 23ம் தேதி அதிமுக செயற்குழு, பொதுக்குழு கூட்டம் கூட இருப்பதை முன்னிட்டு இன்று எடப்பாடி பழனிசாமி மற்றும் பன்னீர் செல்வம் ஆலோசனை நடத்த உள்ளனர்.
