நடன இயக்குனர் சின்னா காலமானார்
தமிழ் சினிமாவின் முன்னணி நடன இயக்குனர்களில் ஒருவராக இருந்தவர் சின்னா. நடிகை நந்திதா என்கிற ஜெனிபரின் தந்தை. 69 வயதான சின்னா உடல்நலக்குறைவு காரணமாக மருத்துவமனையில் சிகிச்சை பெற்று வந்தார். சிகிச்சை பலன் இன்றி நேற்று மரணம் அடைந்தார்.
200 படங்களுக்கு மேல் நடன இயக்குனராக சின்னா பணியாற்றினார். பாக்கியராஜ் இயக்கிய தூரல் நின்னு போச்சு படத்தின் மூலம் நடன இயக்குனராக அறிமுகமானார். அதன்பிறகு, டார்லிங் டார்லிங் டார்லிங், முந்தானை முடிச்சு, தாவணிக்கனவுகள் ஆகிய படங்களுக்கு நடன இயக்குநராக பணியாற்றினார். வாங்க மச்சான் வாங்க, உன்னை விட மாட்டேன், அமராவதி, வைதேகி காத்திருந்தாள், வானத்தை போல, செந்தூர பாண்டி, நேசம் போன்றவை அவர் பணியாற்றிய முக்கியமான படங்கள்.