Realme C30 Price: ரியல்மி தொடர்ந்து புதிய ஸ்மார்ட்போன்களை இந்திய சந்தையில் அறிமுகம் செய்துவருகிறது. இந்நிலையில் இந்திய வாடிக்கையாளர்கள் குறைந்த விலை போன்களை விரும்புவதாலும், இந்திய சந்தையில் பல பட்ஜெட் போன்கள் கொண்டுவரப்படுவதாலும், ரியல்மி இந்த வரிசையில் மற்றுமொரு போனை அறிமுகப்படுத்தவுள்ளது.
ரியல்மி அதன் ‘சி’ தொடரின் கீழ் புதிய ஸ்மார்ட்போனை இந்திய சந்தையில் அறிமுகப்படுத்த உள்ளது. இந்த போனின் பெயர் ரியல்மி சி30 எனத் தெரியவந்துள்ளது. போன் ஜூன் 20 அன்று வெளியிடப்படும் என்று அறிவிக்கப்பட்டுள்ளது. இதன் நேரடி வெளியீட்டு நிகழ்வு மதியம் 12 மணிக்கு சமூக வலைத்தளங்கள் வாயிலாக நடைபெறுகிறது.
வாட்ஸ்அப் போன்றவற்றை பாதுகாப்பாக பயன்படுத்திட… இந்த 8 மந்திரங்கள் உதவலாம்!
புதிய ரியல்மி போன் ஸ்லிம் வடிவமைப்புடன் வருகிறது. மேலும் இந்த ஸ்மார்ட்போனில் மேம்படுத்தப்பட்ட கேமரா, புராசஸர், பேட்டரி ஆகியவை இருக்கும் என இதன் அம்சங்கள் தெளிவுபடுத்தியுள்ளன.
ரியல்மி சி30 அம்சங்கள் (Realme C30 Specifications)
ரியல்மி சி30 ஸ்மார்ட்போனில் 6.6 இன்ச் முழுஅளவு எச்டி+ டிஸ்ப்ளேவுடன் வருகிறது. இதில் புதிய யுனிசோக் சிப்செட் நிறுவப்பட்டிருக்கும் என்று எதிர்பார்க்கப்படுகிறது.
Airtel 5G: ஏர்டெல் 5ஜி; அல்ட்ரா பாஸ்ட் இன்டர்நெட்டுக்கு தயாரா? வெளியாகும் தேதி அறிவிப்பு!
இந்த போனில் 13 மெகாபிக்சல் முதன்மை கேமராவும், 5 மெகாபிக்சல் செல்ஃபி கேமராவும் கொடுக்கப்படும். மலிவு விலை ரியல்மி போனில் ஆண்ட்ராட்டு கோ இயங்குதளம் நிறுவப்பட்டிருக்கும் எனத் தெரியவந்துள்ளது.
Online Shopping: இத பாக்காம எந்த பொருளும் வாங்காதீங்க!
போனில் 10W பாஸ்ட் சார்ஜிங் ஆதரவு வழங்கப்படுகிறது. ஸ்மார்ட்போனை சக்தியூட்ட திறன்வாய்ந்த 5,000mAh பேட்டரி கொடுக்கப்படும். மொபைல் 181 கிராம் எடையுள்ளதாக இருக்கும்.
Nothing Phone (1): லைட் எல்லாம் மின்னுது… வெளியான நத்திங் போனின் வீடியோ!
ரியல்மி சி30 விலை (Realme C30 Price in India)
ரியல்மி சி30 இரண்டு வகைகளில் வெளியாகலாம் என எதிர்பார்க்கப்படுகிறது. இதில் 2ஜிபி ரேம், 3ஜிபி ரேம் ஆகிய இரண்டு வேரியண்டுகள் இருக்கலாம்.
Galaxy F13: சாம்சங்கின் பட்ஜெட் கிங் கேலக்ஸி எஃப்13 விரைவில்… இவ்ளோ பெரிய பேட்டரியா!
அதே நேரத்தில், 32ஜிபி சேமிப்பு ஆதரவு கிடைக்கும். Bamboo Green, Denim Black, Lake Blue ஆகிய மூன்று வண்ணங்களில் இந்த போன் கிடைக்கிறது. பட்ஜெட் விலையில் ஸ்மார்ட்போன் வாங்குபவர்களுக்கு இது ஒரு சிறந்த தேர்வாக இருக்கும். இந்த போனின் விலை சுமார் ரூ.7,000 ஆக நிர்ணயம் செய்யப்படும் என எதிர்பார்க்கப்படுகிறது.