சென்னை: இலங்கை விமானத்தில் தங்கம் கடத்தி வந்த பெண் பயணி பிடிபட்டார். இலங்கை தலைநகர் கொழும்பு நகரில் இருந்து சென்னை சர்வதேச விமான நிலையத்துக்கு பயணிகள் விமானம் நேற்று வந்தது. அப்போது, பயணிகளின் உடமைகளை சுங்க அதிகாரிகள் சோதனை செய்தனர். இதில், இலங்கையை சேர்ந்த பெண் பயணி உள்ளாடைக்குள் தங்கக்கட்டி மற்றும் தங்க பசைகள் மறைத்து கடத்தி வந்திருப்பது தெரியவந்தது. அதன் மதிப்பு ₹1.59 கோடி. அதன் எடை 3.42 கிலோ. தங்கத்தை சுங்கத்துறை அதிகாரிகள் பறிமுதல் செய்து பெண் பயணியை கைது செய்தனர்.