ஹாங்காங்கின் பெருமைக்குரிய அடையாளமாக திகழ்ந்த ஜம்போ கிங்டம் ஹோட்டல் கப்பல், கடலில் மூழ்கியதாக தகவல் வெளியாகியுள்ளது.
சீன அரண்மைனை போன்ற தோற்றத்தில் இருந்த அந்த புகழ்பெற்ற கப்பல் கொரோனா தொற்று காரணமாக மூடப்பட்டு இருந்தது. ஆனால், இதன் பராமரிப்பு செலவினால் பெரும் நஷ்டம் ஏற்பட்டதால் அந்த கப்பல் அண்மையில் துறைமுகத்திலிருந்து அகற்றப்பட்டது.
இழுவை படகுகள் மூலம் இழுத்துச்செல்லப்பட்ட அந்த கப்பல் பாரசெல் தீவுக்கு அருகே கடலில் மூழ்கியதாக தெரிவிக்கப்பட்டுள்ளது. பல ஹாலிவுட் திரைப்படங்களிலும், பல உலக பிரபலங்களின் வருகையையும் சந்தித்த இந்த கப்பல் கடலில் மூழ்கியது ஹாங்காங் மக்களை வருத்தத்தில் ஆழ்த்தியுள்ளது.