லிங்குசாமி படத்தின் பாடலை வெளியிட்ட சூர்யா
இயக்குனர் லிங்குசாமி இயக்கத்தில் உருவாகி வரும் திரைப்படம் 'தி வாரியர்'. ராம் பொத்தினேனி கதாநாயகனாக நடிக்கிறார். இவருக்கு ஜோடியாக கீர்த்தி ஷெட்டி நடிக்கிறார். முக்கிய கதாபத்திரங்களில் ஆதி, நாசர், நதியா ஆகியோர் நடிக்கின்றனர். தமிழ் மற்றும் தெலுங்கு என இரு மொழிகளில் உருவாகும் இப்படத்திற்கு தேவி ஸ்ரீ பிரசாத் இசையமைத்து வருகிறார். ஜூலை 14-ஆம் தேதி படம் திரைக்கு வருகிறது.
இந்தப் படத்திலிருந்து வெளியான முதல் பாடலான புல்லட் பாடல் சூப்பர் ஹிட்டானது. அதையடுத்து தட தட என்ற பாடல் வெளியானது. தற்போது படத்தின் மூன்றாம் பாடல் ரிலீஸ் குறித்த தகவல் வெளியாகியுள்ளது. விசில் என்ற பாடல் வெளியாகியுள்ளது. இதனை நடிகர் சூர்யா வெளியிட்டார். அந்தோணிதாசன், ஸ்ரீனிஷா பாடி உள்ளனர். புல்லட் பாடல் போன்று இந்த பாடலும் வைரலாகி வருகிறது.