விழுப்புரம் அருகே பெட்ரோல் நிரப்ப மதுபோதையில் வந்த இளைஞர்கள், ஊழியர்கள் மீது நடத்திய தாக்குதலில் இருவர் காயமடைந்த நிலையில், தாக்குதல் தொடர்பான சிசிடிவி காட்சிகள் வெளியாகியுள்ளன.
ஜானகிபுரத்தில் பெட்ரோல் நிரப்ப வந்த கண்டம்பாக்கம் பகுதியை சேர்ந்த 6 இளைஞர்கள், பெட்ரோல் நிரப்பியும் நீண்ட நேரமாக இருசக்கரவாகனத்தை நகர்த்தாமல் இடையூறு செய்ததாக கூறப்படுகிறது.
அப்போது, பங்க் மேலாளர் வாகனத்தை நகர்த்த கூறியதால் மதுபோதையில் இருந்த இளைஞர்கள், ஆத்திரமடைந்து அவரை தாக்கியதுடன் தடுக்க வந்தவர்களையும் தாக்கியுள்ளனர்.மேலும், பெட்ரோல் பங்கில் இருந்த இயந்திரங்களையும் தாக்கி சேதப்படுத்தினர்.