மதுரை காமராஜர் பல்கலைக்கழகத்தில் இருந்து மாயமான ஆன்லைன் தேர்வுக்கான விடைத்தாள்கள் மீட்கப்பட்டுள்ளதாக தகவல் வெளியாகி உள்ளது.
அந்த பல்கலைக்கழகத்தில் உள்ள தொலைநிலை கல்வி இயக்கத்தில் கடந்த மாதம் தேர்வு நடைபெற்ற நிலையில் மாணவர்கள் வீட்டில் இருந்தபடி தேர்வெழுதி விடைத்தாள்களை தபால் மூலம் அனுப்பினர்.
அதில் சுமார் 500 முதல் 1000 விடைத்தாள்கள் வரை காணவில்லை என கூறப்பட்டது. இந்நிலையில், விரகனூர் பகுதியில் உள்ள மொத்த பேப்பர் குடோனுக்கு அவை கொண்டு செல்லப்பட்டதாகவும், பல்கலைக்கழக ஊழியர்கள் அதனை மீட்டதாகவும் தகவல் வெளியாகி உள்ளது.