Oppo Reno 8 Pro launch date: ஒப்போ நிறுவனம் தனது புதிய பிளாக்ஷிப் ஸ்மார்ட்போனை இந்தியாவில் அறிமுகம் செய்கிறது. சீனாவில் மே மாதம் அறிமுகம் செய்யப்பட்ட ஒப்போ ரெனோ 8 சீரிஸ் போன்கள் இந்தியா வருகிறது. இதில் பல முக்கிய அம்சங்கள் நிறைந்துள்ளது குறிப்பிடத்தக்கது.
இதில் ரெனோ 8, ரெனோ 8 ப்ரோ, ரெனோ 8 எஸ்இ ஆகிய மூன்று மாடல்கள் அடங்கும் என்று எதிர்பார்க்கப்படுகிறது. எனினும், இந்தியாவில் ஜூலை 21 அன்று இரு மாடல்கள் மட்டுமே அறிமுகம் செய்யப்படும் என்று தகவல்கள் தெரிவிக்கின்றன.
Galaxy M52 5G: ரூ.12ஆயிரம் தள்ளுபடி விலையில்… அதிகம் விற்பனையான சாம்சங் 5ஜி போன் வாங்க நல்வாய்ப்பு!
இந்த போன்களின் புகைப்படங்கள் மற்றும் வீடியோக்களுக்கு என தனி MariSilicon X புராசஸர் உள்ளது சிறப்பம்சமாகப் பார்க்கப்படுகிறது. மேலும், இதனுடன் ரெனோ 8 லைட் மாடலும் சில நாடுகளில் மட்டும் அறிமுகம் செய்யப்படும் எனத் தகவல் கிடைத்துள்ளது.
BSNL Recharge Plans: 30 நாள்கள் வேலிடிட்டி தரும் BSNL மலிவு விலை திட்டங்கள் அறிமுகம்!
நிறுவனம் சமீபத்தில் வெளியிட்ட, Oppo Find X5 ஸ்மார்ட்போனில் MariSilicon moniker கேமரா சிப் பயன்படுத்தப்பட்டிருந்தது. சிறந்த படங்களை எடுக்க அதே தரத்திலான சிப்செட் இந்த ஸ்மார்ட்போனிலும் பயன்படுத்தபடும் என்று உறுதிபடுத்தப்பட்ட தகவல்கள் கிடைத்துள்ளன.
வெளியாக இருக்கும் புதிய ஒப்போ பிரீமீயம் ஸ்மார்ட்போனில், வால்யூம் பட்டன்கள் இடது பக்கவாட்டில் நிறுவப்பட்டுள்ளது. மே 23 ஆம் தேதி சீனாவில் வெளியான இந்த ஸ்மார்ட்போன் தொகுப்பு, விரைவில் இந்தியாவிற்குக் கொண்டுவரப்படும் என்று தகவல்கள் கிடைத்துள்ளது.
ஒப்போ ரெனோ 8 சீரிஸ் அம்சங்கள் (Oppo Reno 8 Series Specifications)
புதிய ஒப்போ போன், 120Hz ஹெர்ட்ஸ் ரெப்ரெஷ் ரேட் கொண்ட 6.55″ இன்ச் முழுஅளவு எச்டி+ கொண்டிருக்கும். ஆண்ட்ராய்டு 12 இயங்குதளம் இதில் நிறுவப்பட்டிருக்கும்.
இதில் LPDDR5 ரேமும், UFS 3.1 ஸ்டோரேஜ் மெமரியும் வழங்கப்படலாம். மிக முக்கியமாக இந்த ஸ்மார்ட்போன் ஸ்னாப்டிராகன் 7 ஜென் 1 (Snapdragon 7 Gen 1) பிராசஸர் கொண்டு இயக்கும் என தெரியவந்துள்ளது.
OnePlus Nord 2T: ஒன்பிளஸ் நார்ட் 2டி வெளியீட்டு தேதி – எதிர்பார்க்கப்படும் அம்சங்கள் என்னென்ன?
பின்பக்க கேமராவைப் பொருத்தவரை, 50MP மெகாபிக்சல் சோனி IMX766 முதன்மை கேமரா, 8MP மெகாபிக்சல் அல்ட்ரா வைட் சென்சார், 2MP மெகாபிக்சல் மேக்ரோ / டெப்த் லென்ஸ் ஆகிய மூன்று கேமராக்கள் கொண்ட அமைப்பு இருக்கும். செல்பி, வீடியோ அழைப்புகளுக்காக 32MP மெகாபிக்சல் கேமரா வழங்கப்படலாம்.
ஸ்மார்ட்போனை 4,500mAh திறன் கொண்ட பேட்டரி சக்தியூட்டும். இதனை ஊக்குவிக்க 80W வாட் பாஸ்ட் சார்ஜிங் ஆதரவும் வழங்கப்படும். இந்த ஸ்மார்ட்போனின் விலை விவரங்கள் குறித்து எந்த தகவலும் வெளியாகவில்லை.