BSNL 30 days unlimited plan: பொதுத் துறை தொலைத்தொடர்பு நிறுவனமான பாரத் சஞ்சார் நிகாம் லிமிடெட் (BSNL) தனது வாடிக்கையாளர்களுக்கு இரண்டு புதிய ரீசார்ஜ் திட்டங்களை அறிமுகம் செய்துள்ளது. அதன்படி வாடிக்கையாளர்கள் ஜூலை 1, 2022 முதல் இரண்டு புதிய ப்ரீபெய்ட் திட்டங்களையும் ரீசார்ஜ் செய்ய முடியும்.
BSNL-இன் புதிய இரண்டு ப்ரீபெய்ட் திட்டங்களின் விலை முறையே ரூ.228, ரூ.239 ஆக நிர்ணயம் செய்யப்பட்டுள்ளது. இந்த இரண்டு திட்டங்களும் ஒரு மாத வேலிடிட்டியுடன் வருவது கூடுதல் சிறப்பாகப் பார்க்கப்படுகிறது. இந்த திட்டங்களில் வரம்பற்ற அழைப்பு, தினசரி டேட்டா போன்ற பல நன்மைகளை நிறுவனம் வழங்குகிறது.
1G to 5G: 1G முதல் 5G மொபைல் நெட்வொர்க் வரை… வரலாற்றை திரும்பிபார்ப்போம்!
வேறு தனியார் தொலைத்தொடர்பு நிறுவனங்கள் வழங்காத பல சலுகைகளை புதிய பி எஸ் என் எல் ரீசார்ஜ் திட்டங்கள் கொண்டுள்ளது. அந்த வகையில், திட்டங்களை குறித்த கூடுதல் விவரங்களை தெரிந்துகொள்வோம்.
பிஎஸ்என்எல் ரூ.228 ப்ரீபெய்ட் ரீசார்ஜ் திட்டம் (BSNL 228 plan details)
இந்த திட்டத்தில் வாடிக்கையாளர்கள் வரம்பற்ற குரல் அழைப்புகளைப் பெறுகிறார்கள். மேலும், ஒரு நாளைக்கு 2 ஜிபி டேட்டா பயனர்களுக்கு வழங்கப்படுகிறது. இந்த டேட்டா தீர்ந்துவிட்டால், வேகம் 80 Kbps ஆகக் குறையும். திட்டத்தில் தினமும் 100 எஸ்எம்எஸ் பலன்களும் உள்ளன. BSNL-இன் இந்த ரீசார்ஜ் திட்டமானது, Progressive Web பயன்பாட்டில் சேலஞ்ச் அரீனா (Challenge Arena) மொபைல் கேமிங் சேவைக்கான சந்தாவையும் வழங்குகிறது.
Period Cycle: மாதவிடாய் சுழற்சியை இனி எளிதாகப் பார்க்கலாம்; இது பெண்களுக்கான வாட்ஸ்அப் ட்ரிக்!
பிஎஸ்என்எல் ரூ.239 ப்ரீபெய்ட் ரீசார்ஜ் திட்டம் (BSNL 239 plan details)
ரூ.239 பிஎஸ்என்எல் ப்ரீபெய்ட் திட்டமானது ரூ.10 டாக்டைமை வழங்குகிறது. இந்த திட்டத்தில் வரம்பற்ற குரல் அழைப்புகளை வாடிக்கையாளர்கள் மேற்கொள்ளலாம். கூடுதலாக, இதில் 2 ஜிபி டேட்டாவும் சந்தாதாரர்களுக்கு கிடைக்கிறது. வாடிக்கையாளர்கள் ஒரு நாளைக்கு 100 எஸ்எம்எஸ்களையும் பெறுவார்கள். கேமிங்கின் பலன்களை இந்த திட்டத்திலும் நிறுவனம் சேர்த்துள்ளது.
பிஎஸ்என்எல் மாத ரீசார்ஜ் திட்டங்கள் (bsnl monthly plans)
ஏற்கனவே குறிப்பிட்டபடி, 228, 239 ஆகிய பி.எஸ்.என்.எல் ப்ரீபெய்ட் திட்டங்கள் ஒரு மாத செல்லுபடியாகும் என்பதை நினைவில் கொள்ளுங்கள். அதாவது, 1ஆம் தேதி திட்டத்தில் ரீசார்ஜ் செய்தால், அடுத்த மாதம் 1ஆம் தேதி வரை நீங்கள் எந்த தடங்கலும் இல்லாமல் மொபைல் அழைப்புகளை மேற்கொள்ளலாம்.
Galaxy M52 5G: ரூ.12ஆயிரம் தள்ளுபடி விலையில்… அதிகம் விற்பனையான சாம்சங் 5ஜி போன் வாங்க நல்வாய்ப்பு!
இதே, 30 நாள்கள் வேலிடிட்டியுடன் வரும் தனியார் தொலைத்தொடர்பு நிறுவனங்களின் திட்டமானது, கூடுதல் செலவை ஏற்படுத்தும். அதன் ரீசார்ஜ் திட்டங்களின் விலை பிஎஸ்என்எல் உடன் ஒப்பிடும்போது, அதிகமாக இருக்கும்.