இலங்கைக்கான ரஷ்யக் கூட்டமைப்பின் தூதுவர் யூரி மெட்டரி, வெளிநாட்டு அலுவல்கள் அமைச்சர் பேராசிரியர் ஜி.எல். பீரிஸை 2022 ஜூன் 29ஆந் திகதி வெளிநாட்டு அலுவல்கள் அமைச்சில் வைத்து சந்தித்தார்.
2022ஆம் ஆண்டில் 65வது ஆண்டு நிறைவைக் கொண்டாடுகின்ற பன்முக இருதரப்பு உறவுகளை மேம்படுத்துவதை நோக்கமாகக் கொண்ட பல விடயங்கள் குறித்து வெளிநாட்டு அலுவல்கள் அமைச்சர் பீரிஸ் மற்றும் தூதுவர் மெட்டரி ஆகியோர் கலந்துரையாடினர்.
இலங்கை எதிர்கொள்ளும் பொருளாதார நெருக்கடியை எதிர்கொள்வதற்காக முன்னெடுக்கப்பட்ட பல நடவடிக்கைகள் குறித்து தூதுவர் மெட்டரியிடம் வெளிநாட்டு அலுவல்கள் அமைச்சர் பீரிஸ் விளக்கினார். இலங்கைக்கான ரஷ்யக் கூட்டமைப்பின் உதவியை அமைச்சருக்கு உறுதியளித்த தூதுவர் மெட்டரி, இருதரப்பு உறவுகளை மேலும் வலுப்படுத்தும் முகமாக, நிலுவையில் உள்ள ஈடுபாடுகளிலான நெருக்கமான ஒத்துழைப்பை ஊக்குவித்தார்.
வெளிநாட்டு அலுவல்கள் அமைச்சு,
கொழும்பு
2022 ஜூன் 30