10 படங்களில் நடித்து வருகிறேன்: வதந்திக்கு நாசர் விளக்கம்
நடிகர் நாசருக்கு உடல் ரீதியாக பல பிரச்சினைகள் இருப்பதாகவும், இதனால் அவர் நடிப்பில் இருந்து ஒதுங்க இருப்பதாகவும் சமீப நாட்களாக தகவல் வெளியாகி வந்தது. இதற்கு பதில் அளித்து நாசர் கூறியிருப்பதாவது:
என்னை பற்றி தவறான தகவல் பரவி உள்ளது. சினிமாவை விட்டு விலகும் எண்ணம் இருப்பதாக வெளியான தகவலில் உண்மை இல்லை. நான் அதிக படங்கள் கைவசம் வைத்து நடித்து வருகிறேன். தொடர்ந்து நடிப்பேன். தற்போது 3 தமிழ் படங்களில் நடித்து வருகிறேன். 3 இந்தி படங்களிலும், ஒரு இந்தி வெப் தொடரிலும் நடிக்கிறேன். 3 தெலுங்கு படங்களிலும் நடித்து வருகிறேன். எனவே தவறான வதந்திகளை பரப்ப வேண்டாம். என்று கூறியிருக்கிறார்.
நாசரின் மனைவியும், தயாரிப்பாளருமான கமீலா நாசர் தனது டுவிட்டரில் “நாசரின் உடல்நிலை, நடிப்புத் தொழிலை விட்டு விலகுவது போன்ற . தவறான செய்திகளை பரப்ப வேண்டாம்” என்று கேட்டுக் கொண்டுள்ளார்.