அமீருக்கு வாட்ச் பரிசளித்த பாவ்னி ரெட்டியின் அக்கா
பிக்பாஸ் சீசன் 5ல் அதிகம் பேசப்பட்ட ஜோடி அமீர் – பாவ்னி ரெட்டி தான். இன்றளவும் இவர்கள் காதலிக்கிறார்களா? இல்லையா? என மண்டையை பிய்த்துக்கொண்டு அலைகிறார்கள் ரசிகர்கள். இதற்கிடையில் பிக்பாஸ் ஜோடிகள் சீசன் 2-ல் இருவரும் ஜோடியாக இணைந்து நடனமாடி வருகின்றனர். ரசிகர்களுக்கும் இந்த ஜோடியை மிகவும் பிடித்துப்போக இருவரது ஜோடி பொருத்தமும் சூப்பர் என வாழ்த்தி வருகின்றனர். இந்நிலையில், ஜூலை 3ம் தேதி நடைபெறவுள்ள பிக்பாஸ் ஜோடிகள் எபிசோடில் கண்ணன் – ராதை வேடத்தில் இருவரும் பெர்பாமன்ஸ் செய்துள்ளனர். இதற்கான ப்ரோமோக்கள் தொடர்ச்சியாக வெளியாகி வருகிறது.
அதில் ஒரு ப்ரோமோவில் அமீர் பற்றி பாவ்னி பெருமையாக பேச ஆரம்பிக்க பாவ்னியின் அக்கா சர்ப்ரைஸாக எண்ட்ரி கொடுக்கிறார். அப்போது, 'அமீர் தான் பாவ்னியை மாற்றி பிக்பாஸில் ஓப்பனாக பேச வைத்து பிரச்னைக்கு தீர்வு காண வைத்தார். அமீர் – பாவ்னி உறவு பலமாக உள்ளது. எங்களுக்கும் அது மகிழ்ச்சி தான். அமீருக்கு நன்றி' என கூறி விலையுயர்ந்த வாட்சை பரிசாக அளித்தார். அதை பாவ்னி அமீரின் கையில் கட்டிவிடுகிறார். வைரலாக பரவி வரும் இந்த புரோமோவை பார்க்கும் அமீர் – பாவ்னி ரசிகர்களும் மகிழ்ச்சியில் இருவருக்கும் வாழ்த்துகளை தெரிவித்து வருகின்றனர்.