சத்குருவுடன் கோல்ப் விளையாடிய ரகுல் ப்ரீத்தி சிங்
என்ஜிகே, தீரன் அதிகாரம் ஒன்று, தேவ், தடையற தாக்க, புத்தகம் உள்பட பல படங்களில் நடித்தவர் நடிகை ரகுல் ப்ரீத்தி சிங். தற்போது தமிழில் சிவகார்த்திகேயன் ஜோடியாக அயலான் படத்திலும், பாலிவுட் படங்களிலும் நடித்து வருகிறார். ரகுல் ப்ரீத்தி சிங் அடிப்படையில் ஒரு யோகா மாஸ்டர். ஐதராபத்தில் யோகா செண்டரும் நடத்தி வருகிறார். அதோடு அவர் கோவை வெள்ளியங்கிரிமலை ஈஷா மையத்தின் முக்கியஸ்தர்களில் ஒருவர், சத்குருவின் சிஷ்யை.
சத்குரு கடந்த சில மாதங்களாக மண் காப்போம் அமைப்புக்காக உலகம் முழுக்க பைக் பயணம் மேற்கொண்டார். அப்போது அவர் அமெரிக்காவில் இருந்தபோது அந்த பயண நிகழ்ச்சிகளில் கலந்து கொண்ட ரகுல் ப்ரீத்தி சிங் சத்குருவோடு கோல்ப் விளையாடிய வீடியோவை வெளியிட்டுள்ளார். அந்த வீடியோவில் முன்னாள் இந்திய கிரிக்கெட் அணியின் கேப்டன் கபில்தேவும் இருக்கிறார். இந்த வீடியோ வைரலாக பரவி வருகிறது.