Upcoming Budget 5G Phone: இன்பினிக்ஸ் நிறுவனம் தனது 5ஜி தொடர் போன்களை விரிவுபடுத்த திட்டமிட்டுள்ளது. அதன்படி, இந்தியாவிற்கு இன்பினிக்ஸ் நோட் 12 5ஜி சீரிஸ் (Infinix Note 12 5G Series) ஸ்மார்ட்போன்களை கொண்டுவருகிறது. இதன் வெளியீடு ஜூலை 8 அன்று நடைபெறுகிறது.
இது குறைந்த விலை 5ஜி ஸ்மார்ட்போன்கள் வரிசையில் இடம்பிடிக்கும் என்று எதிர்பார்க்கப்படுகிறது. பிளிப்கார்ட் தளத்தில் விற்பனைக்கு வரும் இந்த 5ஜி மொபைல் குறித்து, புதிய மைக்ரோ தளம் திறக்கப்பட்டுள்ளது. அதிலிருந்து சில தகவல்களை நம்மால் அறிந்துகொள்ள முடிந்தது.
Father of Cell Phone: செல்போனை கண்டுபிடித்தவர், அதனை இவ்வளவு நேரம் தான் பயன்படுத்துகிறார்… ஆனால் நாமோ!
இன்பினிக்ஸ் நோட் 12 5ஜி வெளியீட்டு தேதி (Infinix Note 12 5G series launch date)
இன்பினிக்ஸ் நோட் 12 5ஜி ஸ்மார்ட்போன்கள் ஜூலை 8 அன்று பகல் 12 மணிக்கு வெளியாயிடப்படுகிறது. இந்த போனை பிரத்யேகமாக பிளிப்கார்ட் தளத்தில் இருந்து பயனர்கள் வாங்கலாம். போன் கருப்பு நிறத்தில் காட்சியளிக்கிறது. ஆனால், கூடுதல் நிறங்கள் சேர்க்கப்படுமா என்று தெரியவில்லை.
இன்பினிக்ஸ் நோட் 12 5ஜி எதிர்பார்க்கப்படும் அம்சங்கள் (Infinix Note 12 5G series expected specifications)
நிறுவனம், நோட் 12 சீரிஸ் கீழ் எத்தனை ஸ்மார்ட்போன்களைக் கொண்டு வருகிறது என்ற தகவலை வெளியிடவில்லை. எனினும், இன்பினிக்ஸ் நோட் 12 5ஜி, இன்பினிக்ஸ் நோட் 12 ப்ரோ 5ஜி ஆகிய இரு வகைகள் வெளியீட்டு நிகழ்வில் இடம்பெறலாம் எனத் தகவல் கிடைத்துள்ளது.
பிளிப்கார்ட் தளத்தில் நிறுவனம் கேமராவுக்கு முக்கியத்துவம் அளித்து விளம்பரப்படுத்தி உள்ளது. அதில், போனில் முதன்மை சென்சாராக 108 மெகாபிக்சல் கேமரா இருக்கும் என்பது உறுதியாகியுள்ளது. அதுமட்டுமில்லாமல், இந்த கேமராவானது வெளிச்சம் குறைந்த இடத்திலும் புகைப்படங்களை தெளிவாக எடுக்கும் என்று குறிப்பிடப்பட்டுள்ளது.
BSNL Telecom: சைலண்டாக பயனர்கள் சட்டைப் பையில் கை வைத்த பிஎஸ்என்எல்!
போனில் வாட்டர் டிராப் நாட்ச் டிஸ்ப்ளே இருக்கும் என்று தெரியவந்துள்ளது. இந்த முழு எச்டி+ தரத்துடன் வரும் அமோலெட் டிஸ்ப்ளேயின் அளவு 6.7 இன்ச் ஆக இருக்கும்.
ஆனால், போனில் நிறுவனம் எந்த சிப்செட்டை பயன்படுத்தியுள்ளது, இதன் பேட்டரி எவ்வளவு இருக்கும் என்பது குறித்த தகவல்கள் இதுரை வெளியாகவில்லை. ஆனால், புதிய இன்பினிக்ஸ் ஸ்மார்ட்போனில் 5000mAh பேட்டரி இருக்கும் என வெளியான தகவல்கள் தெரிவிக்கின்றன.
Samsung Galaxy: வெறும் ரூ.17,000க்கு சாம்சங்கின் 55ஆயிரம் ரூபாய் மதிப்புள்ள பிளாக்ஷிப் போன்!
மேலும், இந்த ஸ்மார்ட்போன்களின் விலை ரூ.15,999 முதல் தொடங்கும் என்று எதிர்பார்க்கப்படுகிறது. குறைந்தபட்சம் 33W பாஸ்ட் சார்ஜிங் ஆதரவையாவது இந்த போன் கொண்டிருக்கும் என்று கூறப்படுகிறது.