மும்பையில் 4வது நாளாக தொடருது கன மழை| Dinamalar

மும்பை-மும்பை மற்றும் தானே மாவட்டங்களில் தொடர்ந்து நான்காவது நாளாக நேற்றும் கன மழை கொட்டியது. தண்டவாளம் மீது சுவர் இடிந்து விழுந்ததால் ரயில் போக்குவரத்தில் தாமதம் ஏற்பட்டது.

மஹாராஷ்டிர தலைநகர் மும்பை மற்றும் தானே மாவட்டத்தில் நான்கு நாட்களாக கன மழை பெய்து வருகிறது. சாலைகள் வெள்ளத்தில் மூழ்கிக் கிடக்கின்றன. சில இடங்களில் தண்டவாளங்களையும் வெள்ளம் சூழ்ந்துள்ளது. மணிக்கு 60 கி.மீ., வேகத்தில் காற்று வீசுகிறது.கடந்த 24 மணி நேரத்தில் தெற்கு மும்பையில் 8.2 செ.மீ., கிழக்கில் 10.9 செ.மீ., மற்றும் மேற்கில் 10.6 செ.மீ., மழை கொட்டியுள்ளது.மஸ்ஜித் – சந்துருஸ்ட் சாலை ரயில் நிலையங்களுக்கு இடையே தண்டவாளம் மீது சுவர் இடிந்து விழுந்தது. இதனால் அங்கு ரயில் போக்குவரத்து சில மணி நேரம் பாதிக்கப்பட்டது.

எக்ஸ்பிரஸ் மற்றும் புறநகர் ரயில்கள் மிகக்குறைவான வேகத்தில் இயக்கப்படுகின்றன.அந்தேரி சுரங்கப்பாதை வெள்ளத்தில் மூழ்கிக் கிடக்கிறது. மாநகராட்சி மற்றும் பேரிடர் மீட்புப் படையினர் வெள்ளம் தேங்கியுள்ள பகுதிகளில் மீட்புப் பணிகளில் ஈடுபட்டுள்ளனர்.மும்பைக்கு குடிநீர் தரும் அணைகளின் நீர்ப்பிடிப்பு பகுதிகளில் கன மழை காரணமாக நீர்மட்டம் 19 சதவீதம் உயர்ந்துள்ளது.

மும்பை-மும்பை மற்றும் தானே மாவட்டங்களில் தொடர்ந்து நான்காவது நாளாக நேற்றும் கன மழை கொட்டியது. தண்டவாளம் மீது சுவர் இடிந்து விழுந்ததால் ரயில் போக்குவரத்தில் தாமதம் ஏற்பட்டது.nsimg3071759nsimg