சஜித் வைத்தியசாலையில்
எதிர்க்கட்சித் தலைவர் சஜித் பிரேமதாச வைத்தியசாலையில் அனுமதிக்கப்பட்டுள்ளதாக தகவல்கள் தெரிவிக்கின்றன.
அவர் வைரஸ் காய்ச்சலால் கொழும்பில் உள்ள தனியார் வைத்தியசாலையொன்றில் அனுமதிக்கப்பட்டுள்ளதாக தெரியவருகிறது.
ஐக்கிய மக்கள் சக்தியின் பொதுச் செயலாளர் ரஞ்சித் மத்தும பண்டார இந்த விடயத்தை உறுதிப்படுத்தியுள்ளார்.
ஜனாதிபதியை பதவி விலக வலியுறுத்தி இன்று கொழும்பில் நடைபெற்று வரும் ஆர்ப்பாட்டத்தில், ஐக்கிய மக்கள் சக்தியை வழி நடத்தவிருந்த நிலையிலேயே சஜித் பிரேமதாஸ வைத்தியசாலையில் அனுமதிக்கப்பட்டுள்ளார்.
ராஜித மீது தாக்குதல்
இதேவேளை, ஆர்ப்பாட்டத்தில் கலந்து போராட்டத்திற்கு வந்த ஐக்கிய மக்கள் சக்தியின் நாடாளுமன்ற உறுப்பினர் ராஜித சேனாரத்ன மீது தாக்குதல் நடத்தப்பட்டுள்ளமையும் குறிப்பிடத்தக்கது.
| நாடாளுமன்ற உறுப்பினர் மீது சரமாரி தாக்குதல்! ஆக்ரோசத்தின் உச்சத்தில் மக்கள் (Video) |