மோகன்லால்-பிரியதர்ஷன் படப்பிடிப்பு துவங்கியது
நெட்ப்ளிக்ஸ் நிறுவனம் மலையாளத்தில் 10 குறும்படங்களை கொண்ட ஆந்தாலாஜி படம் ஒன்றை தயாரிக்கிறது. இவை அனைத்தும் பிரபல மலையாள கதாசிரியர் எம்டி வாசுதேவன் நாயர் எழுதிய கதைகளை மையமாக வைத்து உருவாக இருக்கின்றன. அதில் ஒன்றுதான் 'ஒலவும் தீரவும்' குறும்படம், மலையாளத்தில் மிகவும் அதிக படங்களில் இணைந்து பணியாற்றியுள்ள எவர்கிரீன் கூட்டணியான மோகன்லாலும் இயக்குனர் பிரியதர்ஷனும் மரைக்கார் என்கிற பிரமாண்ட படத்திற்கு பிறகு இதில் மீண்டும் இணைந்துள்ளனர். இதில் வில்லனாக ஹரிஷ் பெராடி முக்கிய வேடத்தில் நடிக்கிறார்.
இந்த நிலையில் இந்த படத்தின் படப்பிடிப்பு கேரள மாநிலம் தொடுபுழாவில் துவங்கியுள்ளது. புலிமுருகன் படத்தில் நடித்தது போன்று எளிய கிராமத்து மனிதன் கதாபாத்திரத்தில் மோகன்லால் நடிக்கிறார் என்பது தற்போது படப்பிடிப்பு தளத்தில் இருந்து வெளியாகியுள்ள புகைப்படத்தைப் பார்க்கும்போது தெரிகிறது.