Oppo Tax Issue in India: சீன ஸ்மார்ட்போன் நிறுவனங்களான சியோமி, விவோ நிறுவனங்களைத் தொடர்ந்து தற்போது ஓப்போ நிறுவனம் பண மோசடி செய்திருப்பது வெளிச்சத்திற்கு வந்துள்ளது. ஒப்போ நிறுவனம் ரூ.4,389 கோடி சுங்க வரியை செலுத்தவில்லை என்று குற்றம் சாட்டப்பட்டுள்ளது.
ஒப்போ மொபைல் இந்தியா பிரைவேட் லிமிடெட் சுங்க வரி ஏய்ப்பு செய்ததாக DRI (வருவாய் புலனாய்வு இயக்குநரகம்) குற்றம் சாட்டியுள்ளது. ஒப்போ நிறுவனம் இந்தியாவில் உற்பத்தி, அசெம்பிளிங், மொத்த வர்த்தகம், மொபைல் விநியோகம் மற்றும் பாகங்கள் ஆகியவற்றில் ஒப்பந்தம் மேற்கொண்டுள்ளது.
ITR: யார் உதவியும் தேவையில்லை – எளிதாக ஆன்லைனில் வருமான வரி தாக்கல் செய்யலாம்!
இது சீனாவில் உள்ள குவாங்டாங் ஒப்போ மொபைல் டெலிகம்யூனிகேஷன் கார்ப்பரேஷன் லிமிடெட் உடன் இணைந்த நிறுவனமாகும். Oppo India ஆனது Oppo, OnePlus, Realme, Vivo போன்ற ஸ்மார்ட்போன் பிராண்டுகளுடன் தொடர்புடையது என்பது குறிப்பிடத்தக்கது.
Telecom: ஏர்டெல் ரூ.265 திட்டத்தில் அதிரடி மாற்றம் – பயனர்களுக்கு கூடுதல் நன்மைகள்!
வருமான வரித் துறையிடம் சிக்கிய ஒப்போ
ஒன்றிய நிதி அமைச்சகத்தின் தகவலின்படி, டிஆர்ஐ ஒப்போ நிறுவனத்தின் அலுவலகம் மற்றும் சில முக்கிய அலுவலர்களின் வீடுகளில் சோதனை நடத்தியது. விசாரணையில், ‘ஒப்போ இந்தியா சில மொபைல் தயாரிப்பு பொருள்களை இறக்குமதி செய்தது குறித்து துல்லியமான தகவல்களை வழங்கவில்லை. இதன் மூலம் சுங்க வரியில் அந்நிறுவனம் ரூ.2,981 கோடி மிச்சப்படுத்தியுள்ளது’ என்று தெரியவந்துள்ளது.
#DearNothing என்று நத்திங் நிறுவனத்தை ட்விட்டரில் துவம்சம் செய்யும் தென் இந்தியர்கள் – காரணம் என்ன?
மேலும், ஓப்போ இந்தியா நிறுவனம் சில சர்வதேச நிறுவனங்களுக்கு ராயல்டி என்ற பெயரில் பணம் வழங்கியது விசாரணையில் கண்டுபிடிக்கப்பட்டது. இந்த நிறுவனங்களில் சில சீனாவை தளமாகக் கொண்டவை என்பது கவனிக்கத்தக்கது.
பொருள்களை இறக்குமதி செய்யும் போது, நிறுவனம் செலுத்தும் ராயல்டி மற்றும் உரிமக் கட்டணங்கள் பரிவர்த்தனை மதிப்பில் வெளியிடப்படவில்லை என்பது உறுதியாகியுள்ளது.
பழைய டிவிக்கு விடிவுகாலம் – Chromecast with Google TV அதை ஸ்மார்ட் டிவியாக மாற்றும்!
கணக்கில் வராத கோடிக்கணக்கிலான பணம்
இதன்மூலம் ஒப்போ நிறுவனம் சுங்கச் சட்டம், 1962-இன் பிரிவு 14-ஐ மீறியுள்ளது. ஒப்போ இந்தியா, கூறப்படும் வரியில் ரூ.1,408 கோடியை மிச்சப்படுத்தியுள்ளது.
Oppo, OnePlus போன்களை விற்க தடை – சீன நிறுவனங்களுக்கு எதிராகக் கிளம்பிய Nokia!
மேலும், ரூ.450 கோடியை தன்னார்வ கணக்கிற்கு செலுத்தப்பட்டுள்ளது. ரூ.4,389 கோடி மதிப்பிலான சுங்க வரி வழக்கில் Oppo India நிறுவனத்திற்கு Show Cause Notice அனுப்பப்பட்டுள்ளது.
சுங்கச் சட்டம், 1962-இன் கீழ் ஒப்போ இந்தியா, அதன் ஊழியர்கள் மற்றும் ஒப்போ சீனா ஆகிய நிறுவனங்களுக்கு அபராதம் விதிக்கும் வகையிலான நோட்டீஸும் அனுப்பப்பட்டுள்ளது.