தனது ரியல் ஹீரோவுக்கு பிறந்தநாள் வாழ்த்து தெரிவித்த வரலட்சுமி
தமிழ், தெலுங்கு படங்களில் பரவலாக நடித்து வருகிறார் வரலட்சுமி. இந்த நிலையில் இன்று 69வது பிறந்த நாளை கொண்டாடும் தனது தந்தையும் நடிகருமான சரத்குமாருக்கு பிறந்தநாள் வாழ்த்து தெரிவித்து ஒரு வீடியோ வெளியிட்டு ஒரு பதிவும் போட்டுள்ளார் வரலட்சுமி. அந்த பதிவில், வயது என்பது வெறும் எண் மட்டும்தான். அதை நீங்கள் நிரூபித்து வருகிறீர்கள். எனக்கு மட்டுமின்றி உங்களை சுற்றி உள்ள பலருக்கும் நீங்கள் உத்வேகமாக இருக்கிறீர்கள். விடாமுயற்சி ஒழுக்கம் தான் உங்கள் வாழ்க்கையில் எப்போதும் உங்களை சிறப்பாக வைத்திருக்கிறது. கடவுளின் ஆசிர்வாதம் உங்களுக்கு உள்ளது. அதனால் நீங்கள் எதை விரும்பினாலும் அது உங்களுக்கு கிடைக்கும். லவ் யூ டாடி. என்னுடைய இன்ஸ்பிரேஷன் ஆகவும், ரியல் ஹீரோவாகவும் இருப்பதற்கு நன்றி. அருமையான பிறந்தநாள் வாழ்த்துக்கள் டாடி என்று பதிவிட்டுள்ளார் வரலட்சுமி.