உலகின் பெரும் ஷாட் வீடியோ தளமாக TikTok வலம் வருகிறது. இந்நிலையில் உலகளவில் கிட்டத்தட்ட 40% விழுக்காட்டுக்கும் அதிகமான புதிய தலைமுறையினர் டிக்டாக், இன்ஸ்டாகிராம் தளத்தை விரும்புகின்றனர் என
கூகுள்
அறிக்கை வெளிப்படுத்தியுள்ளது.
வேகமாக வளர்ந்து வரும் சமூக ஊடக செயலியான TikTok, கடந்த சில ஆண்டுகளாக பெரு நிறுவனங்களுக்கு புதிய பாதையில் போகத் தூண்டியுள்ளது. ஆம், அந்த வகையில் டிக்டாக்கிடம் இருந்து காப்பி அடிக்கப்பட்ட அம்சம் தான் இன்ஸ்டா ரீல்ஸ், ஸ்னாப்சாட் ஸ்பாட்லைட் என வளர்ந்து நிற்கிறது.
Nothing Phone Issue: நத்திங் போனில் இப்படி ஒரு சிக்கலா? பரிதவிக்கும் வாடிக்கையாளர்!
இந்த சூழலில், டிக்டாக் தான் உலக மக்களால் அதிகம் பயன்படுத்தப்படும் ஷாட் வீடியோ செயலியாக இருக்கிறது என கூகுள் நிறுவனம் தெரிவித்துள்ளது. இந்த தகவலை உறுதிபடுத்திய கையோடு. கூகுள் தேடுபொறியில் புதிய மாற்றங்களை மேற்கொள்ளவும் நிறுவனம் திட்டமிட்டுள்ளதாகக் கூறப்படுகிறது.
ஷார்ட் வீடியோ தளங்களை விரும்பும் மக்கள்
Fortune Brainstorm Tech மாநாட்டில் கலந்துகொண்ட கூகுளின் மூத்த அலுவலரான பிரபாகர் ராகவன் கூறுகையில், “கிட்டத்தட்ட 40% விழுக்காட்டிற்கும் அதிகமான இளைஞர்கள் மதிய உணவு இடைவேளையில் கூட கூகுள் தேடுபொறியையோ அல்லது கூகுள் சார்ந்த தளங்களையே நாடுவதில்லை.
Elon Musk: வெடித்து சிதறிய ராக்கெட் – SpaceX திட்டத்தில் பின்னடைவு! வைரலாகும் வீடியோ…
இதற்கு பதிலாக இன்ஸ்டாகிராம், டிக்டாக் தளங்களை மக்கள் அதிகம் பயன்படுத்துகின்றனர். இது கூகுளின் உள் ஆய்வுகளின்படி தெரியந்துள்ளது” என்று கூறினார்.
ரூ.8,999-க்கு Infinix 32 Y1 ஆண்ட்ராய்டு ஸ்மார்ட் டிவி – நம்பமுடியலையா!
கூகுள் நிறுவனத்தின் புள்ளிவிவரம் சற்று அதிர்ச்சி அளிப்பதாக இருந்தாலும், உண்மை நிலவரம் இதுதான் என்று டெக் உலகம் புரிந்துகொண்டுள்ளது. இதன் காரணமாகவே போட்டியை சமாளிக்கும் விதமாக கூகுள் தேடுபொறியில் பல மாறுதல்களை மேற்கொள்ள நிறுவனம் திட்டமிட்டுள்ளதாக அவர் தெரிவித்தார்.
கூகுளை முந்தும் டிக்டாக்
கூகுள் தனது தேடுபொறியில் இளைய பார்வையாளர்களைக் கவரும் வகையில் புதிய மாற்றங்களை மேற்கொள்ள திட்டமிட்டுவருகிறது. செயற்கை நுண்ணறிவு மூலம் பொருள்களுக்கான பரந்த தேடல் முறையை கூகுள் வலுப்படுத்த திட்டமிட்டுள்ளது.
Period Cycle: மாதவிடாய் சுழற்சியை இனி எளிதாகப் பார்க்கலாம்; இது பெண்களுக்கான வாட்ஸ்அப் ட்ரிக்!
கூகுளின் தாய் நிறுவனமான ஆல்பபெட் நிறுவனத்துக்குச் சொந்தமான YouTubeக்கு TikTok விடுக்கும் அச்சுறுத்தல் குறித்தும் விவாதிக்கப்பட்டுகிறது. டிக்டாக்கின் விளம்பர வருவாய் 2024ஆம் ஆண்டளவில் யூடியூப்பை முந்திவிடும் என்று இன்சைடர் இன்டலிஜென்ஸ் எனும் நிறுவனம் கணித்துள்ளது குறிப்பிடத்தக்கது.