பொருளாதார நெருக்கடியில் சிக்கி உள்ள இலங்கையில் அமைதி வழியிலான ஆட்சி மாற்றம் நிகழ்வதை அனைத்துத் தரப்பினரும் உறுதி செய்ய வேண்டும் என ஐக்கிய நாடுகள் சபை வலியுறுத்தி உள்ளது.
இலங்கையின் பொருளாதாரம் கடும் வீழ்ச்சியைச் சந்தித்துள்ள நிலையில், அரசியலிலும் குழப்பமான சூழல் நிலவி வருகிறது. அதிபராக இருந்த கோத்தபய ராஜபக்சே மக்களின் தீவிர போராட்டத்தைத் தொடா்ந்து பதவியை ராஜினாமா செய்துள்ளாா். அதே வேளையில், மக்களின் அதிருப்தியைச் சந்தித்த பிரதமா் ரணில் விக்ரமசிங்க நாட்டின் இடைக்கால அதிபராகப் பொறுப்பேற்று உள்ளாா்.
கடும் சிக்கல்களுக்கு மத்தியில் இலங்கையின் புதிய அதிபரைத் தோ்ந்தெடுப்பதற்கான ரகசிய வாக்கெடுப்பு நாடாளுமன்றத்தில் வரும் 20 ஆம் தேதி நடைபெற உள்ளது. நாடாளுமன்ற உறுப்பினா்களுள் ஒருவா் புதிய அதிபராகத் தோ்ந்தெடுக்கப்பட உள்ளாா்.
கோத்தபய ராஜபக்சேவுக்கு இந்தியா அனுமதி மறுப்பு: பின்னணி என்ன?
இந்நிலையில், இலங்கைக்கான ஐக்கிய நாடுகள் சபை சிறப்பு அதிகாரி ஹனா சிங்கா் ஹாம்டி வெளியிட்ட அறிக்கையில், ‘‘இலங்கையில் அமைதி வழியிலான ஆட்சி மாற்றத்துக்கு அனைத்துத் தரப்பினரும் ஒத்துழைக்க வேண்டும். மக்கள் சந்தித்து வரும் பிரச்னைகளுக்கான காரணங்களுக்கும், மக்களின் குறைகளுக்கும் விரைந்து தீா்வுகாண முக்கியத்துவம் அளிக்க வேண்டும். மக்களின் பிரச்னைகளுக்குத் தீா்வுகாண பேச்சுவாா்த்தை ஒன்றே சிறந்த வழி.
ஆட்சி மாற்றம் தொடா்பாக நாடாளுமன்றத்துக்கு உள்ளேயும் வெளியேயும் விரிவான ஆலோசனை மேற்கொள்ளப்பட வேண்டும். நாட்டில் சட்டம் – ஒழுங்கு சூழலைக் கட்டுக்குள் கொண்டுவரும்போது, மனித உரிமை கொள்கைகளைக் கடைப்பிடித்து பாதுகாப்புப் படைகள் செயல்பட வேண்டும். இலங்கையின் உடனடி மற்றும் நீண்டகாலத் தேவைகளை நிறைவேற்றுவதற்கான உதவிகளை வழங்க ஐக்கிய நாடுகள் சபை தயாராக உள்ளது’’ என்று குறிப்பிடப்பட்டு உள்ளது.