தமிழ்நாடு அரசின் புதிய அறிவிப்பு.. 25 லட்சம் வரை குறைந்த வட்டியில் கடன்..!

2 திட்டங்கள்

மானியத்துடன் இணைக்கப்பட்ட கடன் திட்டம் (subsidy-linked credit scheme) என்பது தொற்றுநோயால் பாதிக்கப்பட்ட தொழில்முனைவோரை மீண்டும் நிறுவனத்தைத் துவங்கவோ அல்லது புதிதாக ஒரு நிறுவனத்தைத் தாங்களாகவோ அல்லது அவர்களின் சட்டப்பூர்வமான வாரிசுகள் மூலமாகவோ தொடங்குவதை நோக்கமாகக் கொண்டுள்ளது.

தகுதிகள்

2020-21 மற்றும் 2021-22ல் தொற்றுநோய் காலத்தில் பொருளாதார வீழ்ச்சியால் வணிகம் பாதிக்கப்பட்ட தனிநபர்கள்/தனியுரிமை மற்றும் கூட்டாண்மை-யில் இயங்கும் நிறுவனங்கள் இந்தத் திட்டத்தின் கீழ் தகுதியுடையவர்கள். மேலும் இத்திட்டத்தின் கீழ் உற்பத்தி மற்றும் சேவைத் துறை நிறுவனங்கள் அடக்கும். “இந்தத் திட்டம் ஓராண்டுக்கு, அதாவது 2022-2023 வரை செயல்படுத்தப்படலாம்” என்று அரசாங்க உத்தரவு கூறுகிறது.

 

25 லட்சம் ரூபாய்

இத்திட்டத்தின் அதிகபட்ச செலவு 5 கோடி ரூபாயாகவும், மூலதன மானியத்தின் அதிகபட்ச வரம்பு 25 லட்சம் ரூபாயாகவும் இருக்கும். இந்தத் தொழில்முனைவோர் அனுபவம் வாய்ந்தவர்கள் என்பதால், மானியத்துடன் இணைக்கப்பட்ட கடன் திட்டத்திற்குத் தொழில்முனைவோர் மேம்பாட்டு திட்டத்தின் கீழ் பயிற்சி தேவை கட்டாயமாக இருக்காது.

நவீனமயமாக்கல்

ஊக்குவிப்புத் திட்டத்தை (incentive scheme) பொறுத்தவரை, இயந்திரங்கள் மற்றும் உபகரணங்களைச் சேர்ப்பதன் மூலம் தொழில்நுட்ப மேம்படுத்தல்/நவீனமயமாக்கலை மேற்கொண்ட குறு, சிறு மற்றும் நடுத்தர நிறுவனங்கள் (MSMEs), 2020-21 மற்றும் 2021-22 இல் தொற்றுநோய்களின் பொருளாதார வீழ்ச்சியால் பாதிக்கப்பட்டிருந்தால், அவை மட்டுமே மானியத்திற்கு தகுதியுடையவை.