விக்ரமுக்கு ஜோடியாகும் ராஷ்மிகா மந்தனா
நட்சத்திரம் நகர்கிறது படத்தை அடுத்து ஞானவேல் ராஜாவின் ஸ்டுடியோ கிரீன் நிறுவனம் தயாரிக்கும் விக்ரம் 61 வது படத்தை இயக்கப் போகிறார் பா.ரஞ்சித். ஜிவி. பிரகாஷ் இசையமைக்கும் இந்த படம் கேஜிஎப்பில் 19ம் நூற்றாண்டில் நடந்த உண்மை சம்பவத்தை அடிப்படையாகக் கொண்ட கதையில் உருவாகிறது. நாயகி உள்ளிட்ட மற்ற நடிகர்கள் தேர்வு நடந்தது வருகிறது.
இந்த நிலையில் விக்ரம் 61வது படத்தில் நாயகியாக ராஷ்மிகா மந்தனா நடிப்பதாக கூறப்படுகிறது. கார்த்தி நடித்த சுல்தான் படத்தில் தமிழில் அறிமுகமான ராஷ்மிகா, தற்போது விஜய்யுடன் வாரிசு படத்தில் நடித்துக் கொண்டிருக்கிறார். விக்ரம் 61 படத்தில் கிளாமர் அல்லாத ஒரு மாறுபட்ட வேடத்தில் ராஷ்மிகா நடிப்பதாக கூறப்படுகிறது.