iQOO 10 Series: ஐக்யூ 10 சீரிஸ் ஜூலை 19 ஆம் தேதியான இன்று உலகளவில் அறிமுகம் செய்யப்படுகிறது. இந்த சீரிஸில் இரண்டு ஸ்மார்ட்போன்கள் அறிமுகமாகும் என்று எதிர்பார்க்கப்படுகிறது.
உலகளாவிய சந்தைக்கு கொண்டுவரப்படும் இந்த போன்களின் எப்போது இந்திய பயனர்களுக்கு கிடைக்கும் என்ற தகவலை நிறுவனம் இதுவரை வெளியிடவில்லை. சீனாவில் இந்த வெளியீட்டு நிகழ்வு நடைபெறுகிறது. இந்த சீரிஸில் iQOO 10, iQOO 10 Pro ஆகிய 2 ஸ்மார்ட்போன்களும் பெரிதும் எதிர்பார்க்கப்படுபவையாக இருக்கிறது.
மேலதிக செய்தி:
வெறும் 99 ரூபாய்க்கு Infinix 32 Y1 ஸ்மார்ட் டிவி – ஷாக் ஆகாம முதல்ல ஆர்டர போடுங்க!
வெய்பூ தளத்தில் கிடைத்த தகவல்களின்படி நிறுவனம் புதிய போன்களை பிளாக்ஷிப் குவால்காம் ஸ்னாப்டிராகன் 8+ ஜென் 1 (Qualcomm Snapdragon 8+ Gen 1) சிப்செட் உடன் கொண்டுவரும் எனத் தெரியவந்துள்ளது. அதுமட்டும் இல்லாமல், இந்த ஸ்மார்ட்போனில் போட்டோகிராபிக்கென பிரத்யேக வி1+ நியூரல் புராசஸிங் சிப் கொடுக்கப்படும் என்றும் கூறப்பட்டுள்ளது.
Elon Musk: ட்விட்டர் ஒப்பந்தம் ரத்து; பராக் அக்ரவாலுக்கு SMS அனுப்பிய எலான் மஸ்க்!
ஐக்யூ 10 தொகுப்பு ஸ்மார்ட்போன்கள் வெளியாகும் நேரம்
iQOO 10 தொடரின் வெளியீட்டு நிகழ்வு பெய்ஜிங் நேரப்படி மாலை 7.30 மணிக்குத் தொடங்கும். அதாவது இந்திய நேரப்படி இன்று மாலை 5.00 மணி. இந்த நிகழ்வு யூடியூபில் நேரலை செய்யப்படும். எனவே நீங்கள் இதை பார்க்க விரும்பினால் ஐக்யூ யூடியூப் பக்கத்தில் நேரலையில் காணலாம்.
ஐக்யூ 10 சீரிஸ் அம்சங்கள் (iQOO 10 series specifications)
இதுவரை நமக்கு கிடைத்த தகவல்களின்படி, ஐக்யூ 10 ப்ரோ ஸ்மார்ட்போனில் திறன்வாய்ந்த ஸ்னாப்டிராகன் 8+ ஜென் 1 சிப்செட் கொடுக்கப்பட்டிருக்கும். இது ஸ்னாப்டிராகன் 8 ஜென் 1 சிப்செட்டின் மேம்பட்ட பதிப்பாகும்.
இது 4 நானோமீட்டர் கட்டமைப்பை கொண்டிருக்கும். இதன் வேகம் 3.2Ghz வரை இருக்கும். ப்ரோ மாடலானது 6.78 இன்ச் QuadHD+ 5 LTPO அமோலெட் டிஸ்ப்ளே, 120Hz ரெப்ரெஷ் ரேட்டுடன் வருகிறது. இதில் HDR10+ ஆதரவும் கிடைக்கும்.
மேலதிக செய்தி:
Oppo Reno 8: Marisilicon X கேமரா சிப்புடன் வெளியான ஒப்போ ரெனோ 8 சீரிஸ் போன்கள்!
மேலும், டிஸ்ப்ளேயில் அல்ட்ராசோனிக் கைரேகை சென்சார் இதில் வழங்கப்படும். ப்ரோ போனில் 16ஜிபி LPDDR5 ரேமும், 512ஜிபி வரையிலான UFS 3.1 ஸ்டோரேஜ் மெமரியும் இருக்கும் என எதிர்பார்க்கப்படுகிறது.
போனை சக்தியூட்ட 4500mAh பேட்டரி இருக்கும். முக்கியமானது என்னவென்றால், போனை சார்ஜ் செய்ய 200W பாஸ்ட் சார்ஜிங் வழங்கப்படும் என்று கூறப்படுகிறது. அப்படியென்றால், உலகின் முதல் அதிவேக சார்ஜிங் போனாக ஐக்யூ 10 இருக்கும்.