நிஜ பெயருக்கு மாறிய நடிகை
பிரபல நடிகையான காஜல் பசுபதி, தொலைக்காட்சியிலிருந்து சினிமாவுக்கு நடிக்க சென்றவர். தற்போதும் சினிமாவில் தனக்கான இடத்தை பிடித்துவிட வேண்டும் என வாய்ப்புகளுக்காக போராடி வருகிறார். வீஜேவாக இருந்த காலம் முதலே இவரை அனைவரும் காஜல் என்றே அழைத்து வருகின்றனர். ஆனால், இவர் உண்மையான பெயர் தமிழ்ச்செல்வி. சமூகவலைதளங்கள் மூலம் என்டர்டெய்மெண்ட் மற்றும் ஹாட் போட்டோஷூட் என அசத்தி வருகிறார். இதுநாள் வரையில் அனைத்து சோஷியல் மீடியாக்களிலும் காஜல் பசுபதி என்ற தனது திரைப்பெயரை மட்டுமே பயன்படுத்தி வந்த அவர், தற்போது இன்ஸ்டாவில் 'தமிழ்ச்செல்வி பசுபதி' என்ற தனது நிஜப் பெயருக்கு மாற்றியுள்ளார். அதுமட்டுமில்லாமல் அவர் எடுத்துக்கொண்ட பெஸ்ட் போட்டோஷூட் புகைப்படங்களையும் முதலில் தெரியும் படி வைத்து ரசிகர்களை கவரும் வகையில் புரொபைலை அழகாக மாற்றியுள்ளார். இருப்பினும் மற்ற சோஷியல் மீடியாக்களில் அவரது புரொபைலை காஜல் பசுபதி என்று மட்டுமே தொடர்ந்து வருகிறார்.