'மாட்டினா காலி' – குலுகுலு படத்தின் வெளியீடு
நடிகர் சந்தானம் நடிப்பில் இயக்குனர் ரத்ன குமார் இயக்கியுள்ள படம் 'குலுகுலு' . சந்தானத்திற்கு ஜோடியாக அதுல்யா சந்திரா நடித்துள்ளார். மேலும் முக்கிய கதாபாத்திரங்களில் நமிதா கிருஷ்ணமூர்த்தி, பிரதீப் ராவத், மரியம் ஜார்ஜ், சாய் தீனா, 'லொள்ளு சபா' மாறன், சேசு ஆகியோர் நடிக்கின்றனர். சந்தோஷ் நாராயணன்இசையமைக்கிறார். படத்தில் ஊர் ஊராக சுற்றும் தேசாந்திரியாய் சந்தானம் நடித்துள்ளார். ஜூலை 29-ஆம் தேதி படம் வெளியாகிறது. உதயநிதியின் ரெட் ஜெயண்ட் நிறுவனம் வெளியிடவுள்ளது. இந்நிலையில் சந்தோஷ் நாராயணன் இசையில் இப்படத்தின் முதல் பாடல் வெளியாகியுள்ளது. மாட்டினா காலி என தொடங்கும் இந்த பாடலை ரத்னகுமார் எழுதியுள்ளார். வித்தியாசமான வரிகளில் உருவாகியுள்ள இந்த பாடலுக்கு சந்தோஷ் நாராயணன் நடனமும் ஆடியுள்ளார். ரசிகர்களிடம் இந்த பாடல் வரவேற்பை பெற்றுள்ளது.