Redmi Buds 3 Lite Offer Price: ரெட்மி நிறுவனம் இன்று ரெட்மி K50i 5ஜி ஸ்மார்ட்போனுடன் ரெட்மி பட்ஸ் 3 லைட் ட்ரூ வயர்லெஸ் இயர்பட்ஸை இந்தியாவில் அறிமுகப்படுத்தியது. புதிய ரெட்மி இயர்பட்ஸின் விலை 2 ஆயிரம் ரூபாய்க்கும் குறைவாகவ நிர்ணயம் செய்யப்பட்டுள்ளது.
இருப்பினும், நிறுவனம் சிறப்பு சலுகையின் கீழ் இந்த இயர்பட்களுக்கு ரூ.500 தள்ளுபடி வழங்குகிறது. இந்த சலுகை இரண்டு நாள்களுக்கு மட்டுமே செல்லுபடியாகும். இயர்பட்கள் 18 மணிநேர பேட்டரி ஆயுள், 6 மிமீ டிரைவர்கள், டைப் சி சார்ஜிங் ஆகிய சிறப்பம்சங்கள் உடன் வெளியிடப்பட்டுள்ளன.
பேஸ்புக், கூகுள் வருவாயில் இனி உங்களுக்கும் பங்கு உண்டு! அதிரடி உத்தரவை பிறப்பிக்கும் அரசு!
ரெட்மி பட்ஸ் 3 லைட் விலை (Redmi Buds 3 Lite Price in India)
ரெட்மி பட்ஸ் 3 லைட் விலை ரூ.1,999ஆக நிர்ணயம் செய்யப்பட்டுள்ளது. இதை நீங்கள் அமேசான் இந்தியா, mi.com, MI ஸ்டோர் ஆகியவற்றில் இருந்து வாங்க முடியும். இதன் முதல் விற்பனை ஜூலை 31ஆம் தேதி முதல் தொடங்குகிறது.
Amazon Prime Day Sale 2022: சாம்சங், ஆப்பிள் என முன்னணி ஸ்மார்ட்போன்களை தள்ளுபடி விலையில் வாங்கலாம்!
கருப்பு நிறத்தில் இந்த இயர்பட்ஸ் வாங்க கிடைக்கும். அறிமுக சலுகையாக இந்த இயர்பட்களை 48 மணிநேரத்திற்கு 500 ரூபாய் கூடுதல் தள்ளுபடி விலையுடன் வாங்க முடியும். எனவே வாடிக்கையாளர்கள் இந்த இயர்பட்களை வெறும் ரூ.1499 என்ற விலையில் வாங்கலாம்.
ரெட்மி பட்ஸ் 3 லைட் அம்சங்கள் (Redmi Buds 3 Lite Features)
ரெட்மியின் இந்த இயர்பட்கள் ஸ்டெம்லெஸ் இன்-இயர் ஸ்டைல் டிசைனுடன் வருகின்றன. இதன் உள்புறத்தில், 6mm டைனமிக் டிரைவர்கள் திறன்வாய்ந்த ஒலி வெளியீட்டிற்காக கொடுக்கப்பட்டுள்ளது.
James Webb Space Telescope: பிரமிக்க வைக்கும் ஜேம்ஸ் வெப் விண்வெளி தொலைநோக்கி – வியாழனின் படங்களை வெளியிட்ட நாசா!
இது அழைப்புகளின்போது ஏற்படும் சுற்றுப்புற இரைச்சலை குறைக்கும் என்விரான்மெண்ட் நாய்ஸ் கேன்சலேஷன் (ENC) அம்சத்துடன் வருகிறது. தேவையற்ற ஒலியைக் குறைக்க புதிய அல்காரிதம் பயன்படுத்தப்பட்டுள்ளது.
Instagram: டிஜிட்டல் கடைக்கு வழிவகை செய்யும் இன்ஸ்டாகிராம் – புதிய அம்சங்கள் அறிமுகம்!
ஒருமுறை சார்ஜ் செய்தால் இயர்பட்கள் 5 மணி நேரம் வரை இயங்கும் என்று நிறுவனம் கூறுகிறது. சார்ஜிங் கேஸ் 18 மணிநேரம் வரை பிளேபேக்கை வழங்குகிறது. கூடுதலாக, பட்ஸை 10 நிமிடங்கள் சார்ஜ் செய்தால், 100 நிமிட மியூசிக் பிளேபேக்கை அனுபவிக்கலாம். இதற்காக டைப்-சி போர்ட்டுடன் விரைவான சார்ஜிங் வசதி வழங்கப்பட்டுள்ளது.