2500 தியேட்டர்களில் தி லெஜண்ட்
ஜவுளிக்கடை அதிபர் அருள் சரவணன் தயாரித்து நடிக்கும் படம் தி லெஜண்ட். ஜேடி-ஜெர்ரி இயக்கத்தில், ஹாரிஸ் ஜெயராஜ் இசையில் உருவாகியுள்ளது. தமிழ், தெலுங்கு, ஹிந்தி, மலையாளம் மற்றும் கன்னடம் ஆகிய 5 மொழிகளில் உருவாகியுள்ள இப்படம் வருகிற 28ம் தேதி வெளியாகவுள்ளது. உலகம் முழுக்க 2500 தியேட்டர்களில் வெளியிடப்படுவதாக அதிகாரபூர்வமாக அறிவிக்கப்பட்டுள்ளது.
படம் சுமார் 60 கோடி பட்ஜெட்டில் தயாராகி உள்ளதாகவும், வெளியீட்டு செலவு மட்டும் 10 கோடி வரை செலவு செய்யப்படுவதாகவும் கூறப்படுகிறது. இந்த படத்தில் அருள் சரவணன் ஜோடியாக பாலிவுட் நடிகை ஊர்வசி ரவுட்டாலா நடித்துள்ளார்.
இவர்களுடன் மறைந்த காமெடி நடிகர் விவேக், கீதிகா திவாரி, விஜயகுமார், பிரபு, சுமன், நாசர், லிவிங்ஸ்டன், யோகி பாபு, ரோபோ சங்கர் என ஒரு நட்சத்திர பட்டாளமே நடித்துள்ளனர். ஆர்.வேல்ராஜ் இசை அமைத்துள்ளார். விவசாய வளர்ச்சிக்காக ஒரு விஷயத்தை கண்டுபிடிக்கும் விஞ்ஞானிக்கு ஏற்படும் பிரச்சினைகளும், அதை அவர் எப்படி சமாளிக்கிறார் என்பதும் தான் படத்தின் கதை.