Vivo Y35 leaked specs: சீன நிறுவனமான விவோ புதிய பட்ஜெட் போனை அறிமுகம் செய்யவுள்ளது. புதிய விவோ மொபைல் V2250 எனும் குறியீடு பெயருடன் பதிவுத் தளங்களில் காணப்பட்டது. போன் நிறுவனத்தின் Y தொகுப்பில் வெளியாகலாம் என்று எதிர்பார்க்கப்படுகிறது.
அதன்படி, விவோ Y35 என்ற பெயரில் போன் சந்தைக்குக் கொண்டுவரப்படும் என்று தெரியவந்துள்ளது. புதிய விவோ ஸ்மார்ட்போன் குறித்த தகவல்கள் ஏற்கனவே கீக்பெஞ்ச் பெஞ்ச்மார்க்கிலும், பல கட்டுப்பாட்டாளர்களின் தரவுத்தளங்களிலும், குறிப்பாக, யூரேசிய பொருளாதார ஆணையத்தின் (EEC) தளத்திலும் வெளிவந்துள்ளன.
மலிவு விலையில் அமோலெட் டிஸ்ப்ளே உடன் Zebronics Iconic Smartwatch 3 அறிமுகம்!
இதனால், ஸ்மார்ட்போன் ஐரோப்பிய சந்தை உள்பட பிற டெக் சந்தைக்குள் வெளியாக தயாராகி வருவது உறுதியாகியுள்ளது. இதன் வாயிலாக போனின் விவரங்கள் குறித்தும் தகவல் கிடைத்துள்ளது.
விவோ Y35 எதிர்பார்க்கப்படும் அம்சங்கள்
கீக்பெஞ்ச் வெளியிட்டுள்ள தகவல்களின்படி, விவோ ஸ்மார்ட்போன் குவால்காம் ஆக்டாகோர் புராசஸர் உடன் வெளியாகும் எனத் தெரிகிறது. இதற்காக ஸ்னாப்டிராகன் 680 சிப்செட் (Qualcomm Snapdragon 680) பயன்படுத்தப்படலாம். இது 2.4Ghz வேகம் கொண்ட சிப்செட்டாகும். இதில் அட்ரினோ 610 கிராபிக்ஸ் எஞ்சின் இருக்கும்.
ஸ்னாப்டிராகன் X11 LTE மோடம் இதில் பயன்படுத்தப்படும். 4ஜிபி அளவுக்கு ரேம் மெமரி வழங்கப்படும் என்று கூறப்படுகிறது. மேலும், ரேம் பிளஸ் அம்சமும் இதில் இடம்பெறும் எனத் தெரியவந்துள்ளது.
இந்த ஸ்மார்ட்போனில் 6.5″ இன்ச் ஐபிஎஸ் டிஸ்ப்ளே முழு எச்டி+ ரெசலியூஷன் உடன் கொடுக்கப்படும். கேமராவைப் பொருத்தவரை, மூன்று சென்சார்கள் கொண்ட அமைப்பு பின்பக்கம் நிறுவப்படும். எனினும், அதன் பிக்சல் அளவும் குறித்த தகவல்கள் வெளியாகவில்லை.
மேலதிக செய்தி:
Twitter: ட்விட்டர் கணக்குகள் சூறையாடல்; பயனர் தரவுகளை விற்பனைக்குக் கொண்டு வந்த ஹேக்கர்!
ஆண்ட்ராய்டு 12 அடிப்படையிலான Funtouch OS 12 ஸ்கின் இதில் நிறுவப்படும். ஆகஸ்ட் மாதத்திற்குள் இந்த ஸ்மார்ட்போன் வெளியாகும் என்று கூறப்படுகிறது. இதுமட்டுமில்லாமல், விவோ தனது பிளாக்ஷிப் போனையும் சோதனை செய்துவருகிறது.
விவோவின் புதிய மினி பிரீமியம் போன்
விவோ X90 மினி போனை நிறுவனம் சோதனைக்கு உட்படுத்தியுள்ளது. இதன் வெளியீடு விரைவில் இருக்கும் என்று நிறுவன தரப்பில் தெரிவிக்கப்பட்டுள்ளது.
மேலதிக செய்தி:
Apple Watch: ஒழுங்கற்ற இதயத்துடிப்பு – பெரிய சிக்கலில் இருந்து பெண்ணை காத்த ஆப்பிள் வாட்ச்
இதில் 5.88 இன்ச் OLED 120Hz டிஸ்ப்ளே, மீடியாடெக் டிமென்சிட்டி 8200 சிப்செட், 50 மெகாபிக்சல் வைட் ஆங்கிள் லென்ஸ், 16 மெகாபிக்சல் அல்ட்ரா வைட் ஆங்கிள் லென்ஸ், 10 மெகாபிக்சல் டெலிஃபோட்டோ லென்ஸ் ஆகியவை கொண்ட மூன்று பின்புற கேமரா அமைப்பு ஆகிய சிறப்பம்சங்கள் இருக்கும் எனத் தெரியவந்துள்ளது.