பைக் திருட்டில் சிறுவன் கைது
பெங்களூரின் ஆர்.பி.ரோட்டில் உள்ள சுப்பிரமணிய நகர் போலீசார், நேற்று முன்தினம் இரவு வாகன சோதனையில் ஈடுபட்டிருந்தனர். அந்த வழியாக 17 வயது சிறுவன் இரு சக்கர வாகனம் ஓட்டி வந்தார். அவரிடம் வாகனத்துக்கான ஆவணங்கள் இல்லை. விசாரித்தபோது வாகன திருட்டில் ஈடுபட்டு வந்தது தெரியவந்தது. அவரை கைது செய்த போலீசார், ஏழு இரு சக்கர வாகனங்கள் பறிமுதல் செய்தனர்.
இரண்டு பேரை போலீசார் தேடி வருகின்றனர்.**தனிப்படை அமைப்புதார்வாடின் ஹுப்பள்ளியில் உள்ள மெழுகுவர்த்தி தொழிற்சாலையில் இம்மாதம் 23ல் தீ விபத்து ஏற்பட்டதில் மூன்று பேர் உயிரிழந்தனர். முறையான அனுமதி பெறாமல் தொழிற்சாலை துவங்கப்பட்டது தெரியவந்துள்ளது. எனவே உரிமையாளர் அப்துல்லா காதர், 40 என்பவரை போலீசார் தேடி வருகின்றனர். நான்கு நாட்களாக தேடுதல் வேட்டை நடத்தியும் இன்னும் கிடைக்கவில்லை. அவரை கண்டுபிடிக்க மூன்று தனிப்படை அமைக்கப்பட்டுள்ளது.
வயலுக்குள் புகுந்த பஸ்விஜயபுராவின் முத்தேபிஹாளா அருகே உள்ள நாலதவாடா என்ற இடத்தில் நேற்று அரசு பஸ் சென்று கொண்டிருந்தது. அப்போது திடீரென சக்கரத்தில் உள்ள உள்ள ‘பிளேடு செட்’ துண்டானதில் பஸ், வயலுக்குள் புகுந்து மின் கம்பத்தில் மோதி நின்றது. 15 பயணியர் காயமடைந்தனர்.**சுவர் இடிந்து 13 பேர் காயம்ஷிவமொகா ஹொளேஹொன்னுார் அருகே உள்ள அரகதோளலி கிராமத்தை சேர்ந்தவர் கணேஷ், 55. இவரது வீட்டில் இம்மாதம் 23ல் திருமணம் நடந்தது. திருமணத்துக்கு வந்திருந்த உறவினர்கள் வீட்டில் தங்கியிருந்தனர். நேற்று முன்தினம் இரவு வீட்டில் அனைவரும் படுத்து துாங்கி கொண்டிருந்தனர்.
அப்போது திடீரென சுவர் இடிந்து விழுந்ததில், 13 பேர் படுகாயம் அடைந்தனர்.**மின் கம்பத்தில் மோதிய கார்மங்களூரில் இருந்து சுனில், 35 என்பவர் நேற்று காரில் உடுப்பிக்கு சென்று கொண்டிருந்தார். காபு அருகே உள்ள கொப்பலங்கடி என்ற இடத்தில் சென்ற போது டயர் வெடித்ததில், மின் கம்பத்தின் மீது கார் மோதியது. இதில் சுனில் காயமடைந்தார்.**பீன்யா மேம்பாலத்தில் தொடர் விபத்துபி.டி.ஏ., தலைவர் விஸ்வநாத் பிறந்த நாளை ஒட்டி பீன்யா மேம்பாலம் மீது அவரது ஆதரவாளர்கள் பிளக்ஸ் பேனர்கள் கட்டியிருந்தனர். இதை அகற்றும் போது தொடர் வாகன விபத்து ஏற்பட்டது. இரண்டு கார்கள், ஒரு சரக்கு வாகனம் சேதமடைந்தது. அதிர்ஷ்டவசமாக யாருக்கும் எவ்வித பாதிப்பும் ஏற்படவில்லை. இரண்டு மணி நேரம் போக்குவரத்து பாதிப்பு ஏற்பட்டது.**
புதிய செய்திகளுக்கு தினமலர் சேனலை Subscribe செய்யுங்கள்
Advertisement