BSNL 4G: நாடு 5G சேவைக்கு தயார்; ஆனா அரசோட பிஎஸ்என்எல் 4ஜி சேவை அடுத்தாண்டு தான் அறிமுகமாம்!

Latest Telecom News in Tamil: நாட்டில் தற்போது 5ஜி அலைக்கற்றை ஏலம் நடைபெற்று வருகிறது. அடுத்த சில நாள்களில் நாட்டின் சில முக்கிய நகரங்களில் 5ஜி நெட்வொர்க் தொடங்கப்பட உள்ளது. இந்த சூழலில் அரசு நடத்தும் தொலைத்தொடர்பு நிறுவனமான பிஎஸ்என்எல் அடுத்த ஆண்டுக்குள் நாட்டில் 4ஜி சேவையை அறிமுகப்படுத்த உள்ளது.

பிஎஸ்என்எல், நாட்டில் உள்ள 24 ஆயிரத்து 680 கிராமங்களுக்கு 4ஜி சேவை வழங்க 26 ஆயிரத்து 316 கோடி ரூபாய் மதிப்பீட்டிற்கு ஒன்றிய அரசு ஒப்புதல் அளித்துள்ளது. நாட்டில் BSNL இன் 4G சேவைக்குப் பிறகு, நிறுவனத்தின் நிதி நிலை மேம்படும் என்று கருதப்படுகிறது

ரூ.1.50 லட்சம் கோடி பங்கு அடிப்படையாக இருக்கும்

4ஜி சேவையை வழங்க அடுத்த நான்கு ஆண்டுகளில் 22 ஆயிரத்து 471 கோடி ரூபாய் அரசால் ஒதுக்கப்படும். இந்த சேவை புதுப்பிற்காக இந்தியாவில் தயாரிக்கப்பட்ட உபகரணங்களைப் பயன்படுத்தும் எனக் கூறப்படுகிறது.

மேலதிக செய்தி:
Google Street View: இந்த 10 நகரங்களுக்கு மட்டும் கூகுள் ஸ்ட்ரீட் வியூ வசதி கிடைக்கும்!

முன்னதாக, கிராமப்புறங்களில் வயர்லைன் சேவையை வழங்க பிஎஸ்என்எல் திட்டமிட்டிருந்தது. இதற்காக 13 ஆயிரத்து 789 கோடி ரூபாய் ஒதுக்கப்படும் என்று தெரிவிக்கப்பட்டுள்ளது. இது உதவி பங்குத்தொகையாக வழங்கப்படும். இதன் காரணமாக பிஎஸ்என்எல் நிறுவனத்தின் பங்குத் தொகை ரூ.40,000 கோடி அதிகரித்து ரூ.1,50,000 கோடியாக உயரும்.

கடனை திருப்பிச் செலுத்த அரசால் உத்தரவாதம் அளிக்கப்படும். பத்திரங்களை வெளியிடுவதன் மூலம் ரூ.40,399 கோடி திரட்ட BSNL திட்டமிட்டுள்ளது. திட்டங்களை நடைமுறை படுத்த அரசு நடவடிக்கை எடுத்தாலும், நாட்டின் பொதுத்துறை நிறுவனம் தனியார் நிறுவனங்களை விட ஒரு தலைமுறை பின்தங்கி இருப்பது பயனர்களுக்கு கவலை அளிக்கு விதமாக இருக்கிறது.

5ஜி சேவையை அதிக ஏலத்தில் எடுக்கும் ஜியோ

ஜியோ இதுவரை ரூ.810 பில்லியன் செலவழித்திருக்கலாம். இது அதன் அடிப்படை மதிப்பீட்டை விட 2 மடங்கு அதிகமாகும். 700 மெகா ஹெர்ட்ஸ் அலைக்கற்றில், 10 மெகா ஹெர்ட்ஸ் ரூ.393 பில்லியனுக்கு ஜியோவால் வாங்கப்பட்டது. இதுவே, விலையுயர்ந்த ஏலத் தொகை என்பது குறிப்பிடத்தக்கது.

மேலதிக செய்தி:
மோடியால் போன் விற்பனை ஜோர்; PLI திட்டத்தால் கிடைத்த பலன்!

ஜியோ 3300 மெகா ஹெர்ட்ஸ் அலைவரிசையில் (ஒரு வட்டத்திற்கு 100 மெகா ஹெர்ட்ஸ்) 2200 மெகா ஹெர்ட்ஸ்-ஐ ரூ.317 பில்லியனுக்கும், 26 GHz அலைவரிசையில் 17600 MHz அளவை ரூ.56 பில்லியனுக்கும், ஜியோ 800 மெகா ஹெர்ட்ஸ் பேண்டில், 20 மெகா ஹெர்ட்ஸை ரூ.10.6 பில்லியனுக்கும், 1800 மெகா ஹெர்ட்ஸ் பேண்டில் 20 மெகா ஹெர்ட்ஸ் ரூ.25 பில்லியனுக்கும் வாங்கியிருக்கலாம் என்று கூறப்படுகிறது.

Leave a Comment

This site uses Akismet to reduce spam. Learn how your comment data is processed.