ஒலிம்பியாட் ஆன்தம் மேக்கிங் வீடியோவை பகிர்ந்த பிருந்தா மாஸ்டர்
தமிழக அரசு சார்பில் மாமல்லபுரத்தில் ஒலிம்பியாட் போட்டி நடைபெற்றுக் கொண்டிருக்கிறது. முன்னதாக கடந்த 28ம் தேதி பிரதமர் மோடி இந்த விழாவினை துவக்கி வைத்தார். இந்த ஒலிம்பியாட் நிகழ்ச்சிக்காக ஏ.ஆர்.ரஹ்மான் இசையில் ஒலிம்பியாட் ஆனந்தம் ஒன்றை உருவாக்கினார்கள். அதில் முதலமைச்சர் மு.க.ஸ்டாலின், ஏ. ஆர்.ரஹ்மான் மற்றும் செஸ் போட்டி வீரர்கள் பலரும் நடித்தார்கள். இந்த நிலையில் முதல்வர் மு.க.ஸ்டாலின் மற்றும் ஏ.ஆர்.ரஹ்மான் ஆகியோருக்கு எப்படி நடிக்க வேண்டும் என்று தான் சொல்லிக் கொடுத்த மேக்கிங் வீடியோ ஒன்றை பதிவிட்டு இருக்கிறார் நடன மாஸ்டர் பிருந்தா. அதோடு, முதல்வர் மு. க. ஸ்டாலின் அவர்களுடன் இந்த படப்பிடிப்பில் கலந்து கொண்டது மிகுந்த மகிழ்ச்சியை கொடுத்ததாக அவர் ஒரு பதிவில் தெரிவித்துள்ளார்.